宮崎駿Fans呢邊!「ジブリの大博覧会」@六本木

宮崎駿Fans呢邊!「ジブリの大博覧会」@六本木

有無吉卜力嘅fans?如果你係,我諗你都會去過三鷹嘅吉卜力美術館,但而家除左呢到之外,喺六本木會有一個期間限定嘅「ジブリの大博覧会」呀!唔洗傷心去完美術館就無其他野睇,一於去埋呢個啦!
 
開催期間:2016年7月7日~9月11日
 
喺呢段期間,「ジブリの大博覧会」就會喺六本木hills展望台東京city view(52樓)到舉行!
 
呢個係特別企劃,由「風之谷」到最新作「レッドタートル ある島の物語」(黎緊9月上映)作品嘅產生過程都可以喺呢到睇到!
 
一踏入會場就會見到好多好多過往嘅動畫poster迎接緊你!好似「風之谷」、「崖上的波兒」、「風起」等等。
 
行到最尾就會見到最新作「レッドタートル ある島の物語」嘅poster,而一直行入去嘅話就會係同呢套新動畫有關嘅美術品同介紹corner啦!
 
呢到除左有好多手稿之外,仲有一啲有關於吉卜力動畫珍貴嘅poster/資料/報紙,可以比你一次過睇哂!
 
然後呢個博覽會最特別嘅地方係呢架「貓巴士」啦!喺龍貓到出現嘅呢架巴士相信好多人細個睇完都會好想坐,而家就比你實現夢想啦!(雖然三鷹果個美術館都有,但果個只限小學生以下可以坐,而呢個就無規限啦!童心未泯嘅朋友,機會黎啦!)
 
時間:10:00~22:00(最後入場21:30)
費用:大人1800円/高中~大學生1200円/4歲~中學生600円/65歲以上1500円
會場:六本木hills展望台 東京city view内sky gallery
交通:日比谷線「六本木駅」直達