【學生相來了】日本男星今舊對比照!!!

【學生相來了】日本男星今舊對比照!!!

上次就講左日本女星們超可愛嘅畢業照啦,咁有靚女自然就有靚仔,所以今次就要比你地睇下男優們學生時期嘅イケメン照啦!各位絲打請準備,即將有小鮮肉睇啦!(排名不分先後)
 
1.松本潤
個笑容燦爛到呢!我就覺得佢個樣無乜點變,係當時個髮型箭豬左D之外。
 
2.速水もこみち
嘩果時嘅速水もこみち同而家一樣都係黑黑地,有種陽光男孩嘅feel。但我就覺得對比起果時嘅典型日系型男長髮,而家短髮就man好多啦!
 
3.妻夫木聡
果然個笑容都係無變過!唔單止喎...連個髮型都一樣嘅!?
 
4.山田孝之
終於有個係差得遠D嫁啦!睇佢個眼神果時應該係怕羞仔黎,而家就有種成熟男人嘅魅力,果然係愈老愈有味道!
 
5.千葉雄大
嘩睇住學生版嘅千葉雄大邊有人諗到佢大個之後會靚仔咁多嫁!原來而家嘅花美男,曾經都係一個路人甲。
 
6.神木隆之介
一模一樣。可能係因為佢學生時期都有好多電視劇作品,所以都慣左佢係呢個樣,無乜特別。
 
7.知念侑李,中島裕翔,山田涼介
由於佢地同樣係Hey!Say!JUMP而當時學校又同班所以就三個一齊比你地睇啦!同神木隆之介一樣,個個都係10歲人仔就出黎做jr幫前輩伴舞,所以學生相都無咩驚喜嫁啦。(偷偷話你知我曾經追山田涼介追左7年!雖然而家大左無追但都仲係覺得佢好靚仔呀呀呀呀呀!!)
 
8.城田優
無錯上天係唔公平嘅,因為混血兒永遠都係靚嘅。
 
9.三浦春馬
哈哈三浦春馬果陣有d baby fat,不過個輪廓都唔係話差好遠嘅。當然而家型左好多。
 
10.向井理
竟然係呢個香港以前都興過嘅中分頭?相中嘅佢矇豬眼,雖然唔靚仔但都算幾cutie。
 
就係咁多啦!我自己睇完只係覺得,男人真係愈成熟愈有魅力,細個唔靚仔唔緊要,只要大個左點都有陣男人味出左黎。(好似係)
 
附送爆笑照: