【好大浸仙氣傳入我的鼻】静岡縣・夢の吊橋

【好大浸仙氣傳入我的鼻】静岡縣・夢の吊橋

喺静岡縣,有一條非常唯美,意境異常地優美嘅吊橋,果到叫做「夢の吊橋」。傳說呢條「夢の吊橋」可以實現人嘅戀愛夢,係著名嘅戀愛Power Spot。
 
「夢の吊橋」位於静岡縣奧大井地方嘅寸又峡。佢長90米,高約8米,係寸又峡嘅象徵黎。佢被選為係「想保存到21世紀的日本自然100選」同埋「新日本觀光地100選」,所以,都唔算寂寂無名嫁。
 
喺四圍寧靜嘅環境之中,呢條橋嘅存在增添左一種神秘感,比左D幻想空間遊客。比人嘅整個感覺,真係同佢個名「夢の吊橋」好襯!
 
為左安全起見,夢の吊橋一次過只可以比10個人過,所以成日都會有條隊企喺橋邊好似等過馬路咁款。不過等耐D又有乜所謂,眼前嘅景色咁靚,想企都陣添啦!
 
「夢の吊橋」嘅魅力除左佢自己之外,當然就要歸功於襯託出佢仙氣嘅果個湖水綠色水面啦!呢個湖叫做「大間ダム湖」,靚到成日比人懷疑佢係後期調過色,不過當然係無啦!
 
咪話佢係傳說中可以實現人嘅戀愛夢嘅,聽講只要你喺橋嘅正中間祈求有關戀愛嘅野就會實現,大家不妨試下啦!
 
最推介嘅時候係紅葉期間去,唔識形容有幾靚所以自己睇。
 
我睇完真係好想去呀,睇黎要搵定其他静岡嘅好去處啦哈哈。
前往方法:大井川鉄道千頭駅坐40分鐘巴士/ 寸又峡温泉バス(巴士)停留所歩行20分