女星素顏照!驚嚇定驚喜?

女星素顏照!驚嚇定驚喜?

日本女仔不嬲出名化妝好叻,佢地由細到大都有化妝嘅習慣,更加有好多細路女喺小學果時已經會化妝。講起化妝,最常化嘅就一定係女明星啦!大家見開嘅都係佢地化哂全妝嘅一面,梗係無時無刻都咁靚啦!咁你又有無見過佢地素顏果個樣呢?會唔會好驚嚇?到底係化裝定喬裝?一齊睇下啦!(排名不分先後)
 
1.前田敦子
可能大家對前田敦子嘅素顏都唔會話超陌生,話哂佢由細出道到大,而且化開都唔算大濃妝,只係...比較似路人甲。
 
2.ローラ
Rola本身係混血,輪廓鬼咁深,真係贏在起跑線!所以其實都估到,落左妝陣model味都未走得哂~
 
3.トリンドル玲奈
比多個混血模特兒你地睇啦!玲奈又係好靚,由佢岩岩出道做model我己經好羨慕佢個天生公仔咁款嘅樣,我知恨唔黎但真係好精緻!點解,落妝無變過嘅??
 
4.小森純
同樣係model(前),無混血嘅本地人就即刻有分別...話說以前我睇popteen成日見到佢,都幾鍾意佢嫁因為佢唔怕醜成日整鬼臉,但佢生完之後變成點我就無留意啦。乜好似老左咁多咁嘅,只可以話時間真係女人嘅敵人
 
5.きゃりーぱみゅぱみゅ
日本版gaga搞怪開,都唔會期望佢落妝有幾靚嫁啦,因為平時都痴勁厚眼睫毛,唔講啦自己睇。
搞錯左,唔係呢張
呢張至真(不過不失啦)
 
6.綾瀬はるか
到綾瀬遙啦~呢張素顏照雖然有D天然呆同埋其實畫左眉,但都唔係話太大差別嘅。
 
7.比嘉愛未
另一個靚女女星,雖然唔係話一線,但佢五官都幾靚嫁!而且素顏都好似無乜分別添!
 
8.沢尻エリカ
WOW係澤尻!我諗好多港人都係睇一公升眼淚而識佢,包括我,所以佢果陣淡妝學生look己經靚到犯哂規啦!睇下呢張靚到!?其實我真係睇左好耐到底有無化妝,因為朦朦地咁好難分,但見到眉果D無畫,我諗可能無掛?
 
9.本田翼
我覺得本田翼係呢10個女星入面素顏最吸引嘅一個!佢呢種靚唔係澤尻果隻仙氣靚,而係成個氣質好吸引!化左妝同素顏係兩種感覺黎!
 
10.マツコ.デラックス
係呀仲有最後一個,我都唔知佢算唔算女星,算一半咁即係算咩。原來佢男兒身嘅時候係咁嫁!(都幾惡喎好似D黑社會大佬)