大人氣遊戲App《貓咪收集》拍成真人版電影!

大人氣遊戲App《貓咪收集》拍成真人版電影!

累積下載數目達1900萬人,無論喺海外定日本都大熱嘅收養貓咪遊戲App「ねこあつめ」(貓咪收集)將會拍攝真人版電影!(小編見到消息後首先大笑咗三聲,真心估佢唔到)電影將由伊藤淳史主演,佢話呢套作品將會係溫暖人心、充滿希望嘅作品!
 
 
有玩過個app嘅都知作品最重要嘅就係嚟個日式屋企庭園玩嘅貓貓。伊藤就係飾演因陷入寫作低潮而移居郊外嘅小說家佐久本勝,而電影就係講述佢同出現係屋企庭園嘅貓咪們交流、同埋貓貓如何改變咗無自信、充滿苦惱嘅佐久本。官方釋出嘅圖片亦見到佢溫暖嘅笑容同電影第一隻出現嘅貓貓Cinnamon~
 
電影將會於2017年公開!先不論故事題材吸引,一套可以見到咁多隻可愛貓貓主子嘅電影,貓奴們唔係唔捧場呀?(笑)
 
資料來源:Yahoo.jp