坐新幹線東京至函館北斗可以喺4個鐘内到?

坐新幹線東京至函館北斗可以喺4個鐘内到?

國土交通省指希望喺2021年春天開始,毎日有一班北海道新幹線可以喺4個鐘由東京往返函館北斗少過4小時。
而家東京往返函館北斗最快要4小時2分,一日有3班,班次為東京開出嘅はやぶさ(隼)5號同はやぶさ(隼)11號及函館北斗開出嘅はやぶさ23(隼)號。
計埋由函館北斗去函館嘅函館ライナー(直車),東京往返函館要近4個半小時。
家下要咁耐時間嘅原因係北海道新幹線中奥津軽いまべつ(今別)至木古内一段,係要同貨物列車共同使用津軽海峡線内全世界第2長嘅青函隧道。(全長53.85公里,其中有23.3公里穿越津輕海峽底下。係連接本州與北海道兩大本島,係日本嘅貨物大動脈)
同貨物列車共用時,北海道新幹線必須減速至140KM/H。
如果北海道新幹線列車行高過140KM/H,喺個一段就可能因為大風令到對面線路上行緊嘅貨物列車反車。
另外因為共同使用津軽海峡線,所以共用嘅一段好多特有設備,
特別係貨物列車用係日本比較窄嘅窄軌軌距(1024mm),而新幹線係用比較闊嘅標準軌距(1435mm)
為左2邊都行到,所以就出現3軌區間,
左邊個條路軌係共用,而右面有2條路軌,入面個條係貨物/客車列車用,外面個條係新幹線専用。
中間就出左一條罅,由於列車有可能跌左啲零件,貨或者冬天時有雪或冰入跌條罅度頂住條路軌,有機會會令新幹線出軌。
所以一有咩事就要刹停架新幹線,新幹線愈快刹車距離就愈長。
因為3軌區間高風險,而且3軌區間嘅貨物列車班次係比新幹線多好多,中間抽一段貨物列車空閑時間比新幹線過係好難嘅事,所以個一段嘅新幹線只能減速通過。
 
係今年開始4年内JR北海道會換返高速行走用路軌同架空電纜,再同JR貨物改良貨物列車時間表後,就可以安排1日2班車以260KM/H行走。
 
由新青森至函館北斗可以快近19分鐘。之後由東京出發去到函館北斗再轉去函館的話,有機會可以4個鐘内到!