喪買限定商品,鬆弛熊個FRIEND玩轉原宿Cafe!

喪買限定商品,鬆弛熊個FRIEND玩轉原宿Cafe!

鬆弛熊呢個又肥又可愛嘅character,我諗100個香港人入面有99個都會識佢,而喺佢身邊嗰隻全身奶白色嘅朋友仔牛奶熊(雖然我成日叫佢做白色鬆弛熊)都超級可愛,諗起就有啲想攬住佢地過個暖笠笠嘅寒冬喇~
 
如果已經plan咗今年年尾或出年年頭會喺東京過的話就真係好好彩喇,因為第一間以牛奶熊作為主題嘅「Korilakkuma Cafe」將會由12月1日開到出年1月9日,到時店入面唔單止食到好可愛嘅牛奶熊料理,仲有喺呢度先買到嘅地區限定牛奶熊product,四圍都係牛奶熊,鐵粉實開心死啊!
 
12月天氣咁凍梗係要食個烤焗咖喱「コリラックマのグラタンカレー(¥1,380)」暖吓身啦!牛奶熊好似喺咖喱度浸緊半身浴咁好可愛!
 
想食漢堡包同薯條可以試呢個「コリラックマのお星さまクリームシチュー(¥1,580)」,成個餐唔係得個樣㗎,薯條啱啱炸起熱辣辣脆卜卜,好好味!
 
去得cafe又點少得食返個甜品!店內一共提供3款甜品,呢個牛奶熊頭熔岩蛋糕「コリラックマのふんわりフォンダンショコラ(¥1,380)」係造型比較特別嘅一個,成個shape做到好靚,唔係好捨得叉開佢食添......
 
食完野一定一定一定要行埋精品部先好走,因為唔係人人都入得嚟,只有喺cafe點過餐嘅客人先可以入去買野,入面有唔少product仲要係喺呢度限定款式,行出咗門口第日後悔想買返都冇可能㗎啦!
 
呢兩隻牛奶熊碟一定係鐵粉必敗item,不過買咗返去都應該唔係好捨得用。@¥950
 
心口針又係好容易唔少心就買咗嘅item。呢個全套有6款,抽到邊個完全靠運氣,要儲齊成套都唔係咁易!@¥330
 
如果你有朋友係牛奶熊fans,呢個紅茶罐啱哂,大方得體之餘重點係唔貴!@¥1,080
 
最後提提大家,呢間cafe係有最低消費嘅,每人最少要點一樣野食,用餐時間為80分鐘,多人嘅時候更加可能要搭枱,而最重要嘅一點係需要網上預約,唔好傻更更就咁walk-in入去啊。
 
Korilakkuma Cafe
地址:東京都渋谷区神宮前4-28-28 Lucessimoビル 2F
營業時間:2016年12月1日(星期四)~2017年1月9日(星期一) 11:00~21:20