唔通日本真係有死神!?

唔通日本真係有死神!?

唔知大家信唔信呢個世界真係有死神呢?
 
最近喺日本有一宗意外,令日本網友覺得死神真係存在……
 
 
話說,9月4日下午5點半左右,有個60歲嘅伯伯踩單車經過東京都豐島區南長崎嘅西武池袋線嘅路口。
當時,架單車卡住咗喺路軌上,而伯伯就跌咗落地下。
 
 
眼見有架電車迫緊自己,於是伯伯就唔理架單車逃跑咗2-3米,諗住應該無事啦。
點知,架急行電車撞到架單車,而單車就擊中伯伯。
送院途中,伯伯傷重不治……
 
呢件事震驚日本網友,大家都留言講自己對呢件事嘅睇法。
 
「《死神來了》呀!」
「真係令人傷感!」
「雖然好可憐,但係慶幸無傷及其他人。」
「好似漫畫故事一樣……」
「命運真係強大。」
「死神真西利!」
「被單車擊中而死,應該好痛。」
「出世個時就已經決定咗死亡方法。」
 
 
話說,之前先有單靈異事件喺新御徒町站,路人發現有小朋友喺路軌上散步。
基於安全理由,電車一度停駛。
職員喺路軌上搜尋小朋友,但係並無發現。
 
 
情況就同曾經轟動一時嘅御徒町站女子跳軌自殺事件一樣……
唔少路人都親眼目睹,不過事主都係離奇消失。
詳情可到以下網址︰http://www.likejapan.com/guts13
 
嘛…點都好啦,希望伯伯能夠早日安息。R.I.P
大家要記住!馬路如虎口,過馬路時要小心哦!安全至上!
 
 
 
資料來源︰2ch中文網