呢期日本男女神齊開IG~你follow咗未?

呢期日本男女神齊開IG~你follow咗未?

近排唔知打乜風,日本一班演員模特兒男神女神齊齊開IG上載自己嘅日常生活照片同粉絲互動喎!
怕你跟得唔夠貼,以下有呢排喺日本引起話題嘅account,link都俾埋你,自己乖乖follow喇!
 

1)實力演技派男神 山田孝之(IG:takayukiyamadaphoto
呢期日本男女神齊開IG~你follow咗未?
哇哇哇!演乜似乜,出神入化嘅山田孝之竟然開咗IG!呢排山田孝之相當活躍於社交平台,早前更喺自己嘅FB page度upload同演員室剛嘅唱K片!開咗IG冇幾耐男神已經up咗好多相,包括呢張引起粉絲同腐女暴動嘅相!
隔離果個係三浦翔平(IG:shohei.63),後面仲有呷緊醋嘅混血型男山田優(IG:yu_shirota)!
 
呢期日本男女神齊開IG~你follow咗未?
山田孝之嘅IG點解係日本引起話題?因為佢啲caption其實好好笑。例如上面呢張相,唔識日文以為佢chok緊,識日文就會知道其實佢係度FF緊同赤西仁OOXX嘅時候俾山田優發現。重點係赤西仁有留言回應。
(睇嚟男神好鐘意玩HEHE)
 
2)新世代清純女神 有村架純BB (IG:kasumi_arimura.official
呢期日本男女神齊開IG~你follow咗未?
較早前林檎醬都報導咗,原來之前有成1.7m followers嘅有村架純IG帳號係假架!呢個先係真嘅,女神話收到好多留言覺得好意外亦好多謝,仲話會keep住更新,叫大家多多指教呀~

 

3)天使化身 佐佐木希(IG:nozomisasaki_official
呢期日本男女神齊開IG~你follow咗未?
叫佐佐木希做女神應該無人異議。9月26日將推出以情侶去「三日兩泊」做主題寫真集嘅佐佐木希就係自己嘅IG到up咗啲幕後花絮,簡直就好似係以男朋友角度去幫女朋友嘅佐佐木希影相咁呀!仲唔快啲follow下FF下!?

 

4)凍齡女神 深田恭子(IG:kyokofukada_official
呢期日本男女神齊開IG~你follow咗未?
同樣都係開IG宣傳寫真集嘅深田恭子嘅IG簡直就係充滿夏天嘅氣息。為滿足男女性粉絲推出寫真集『AKUA』同『This is Me』嘅恭子成個IG都係之前拍寫真集去海邊嘅泳裝照,最新就po咗張自己嘅私服。雖然有網友慨嘆恭子疑似整容搞到塊面膠曬,但始終,都叫做cute得嚟有身材嘅…身為女仔嘅我表示羨慕…

 

5)少女漫王子 山崎賢人 (IG:kentooyamazaki
呢期日本男女神齊開IG~你follow咗未?
翻拍過多套少女漫真人版,堪稱少女漫真人版御用男主角嘅山崎賢人呢期係富士月9劇集《有喜歡的人》男主角。劇集開拍之前唔知係咪三浦翔平幫佢開定點,總之呢個新世代男神終於有IG啦!佢仲間唔時就upload下同劇演員嘅合照添!

 

6)Love Song 新世代自彈自唱創作歌手 藤原櫻 (IG:mammothsakura
呢期日本男女神齊開IG~你follow咗未?
上季同福山雅治一齊拍月9《情歌》嘅女新人藤原櫻兩首劇中歌《Soup》同《500マイル》喺日本紅到發紫。呢位可愛嘅小妮子亦都開始咗玩IG喇!

 

【番外篇】
日劇《有喜歡的人》(IG:beautiful_bloom_
呢期日本男女神齊開IG~你follow咗未?
如果有跟今季劇集《有喜歡的人》嘅話都會知道戲入面桐谷美玲飾演嘅櫻井美咲開咗個IG希望今個夏天可以變成一個「現充」(現實生活充實嘅人)。而家個account已經吸引431k嘅followers朝聖,某程度上變咗套劇嘅官方IG添!睇住啲相好似真係睇緊女主角嘅生活咁好得意架!當然,你要知道劇情先會覺得有feel啦XD
 
其實我無咩大要求,我淨係希望我女神新垣結衣BB都會想玩下IG,跟住快啲開下個account咁囉…呢期日本男女神齊開IG~你follow咗未?呢期日本男女神齊開IG~你follow咗未?
 
話時話,Like Japan都有IG架!你follow咗未? 呢期日本男女神齊開IG~你follow咗未? (IG:like.japan