新一年新開始,又開以重新出發喪食美食!喺1月11日到17日,於名古屋嘅名鐵百貨店本店將會舉行第三屆「新春大九州展」,今年主題係「ザ・九州の定番」,即係去到九州一定走唔甩嘅必食料理,雲集咗7個縣嘅極品美食,所以去之前記得留肚!
 
注目美食推介:
 
1. 博多內臟鍋(二人份)@博多芳々亭
 
 
提到博多就緊係食內臟鍋啦!呢間專門店所炮製嘅內贓鍋味道比較溫和,好啱一家大細一齊食,鍋入面嘅來自日本國產嘅牛內臟同,泡嘅特製湯底滾吓滾吓,齋係想像已經流口水!
 
2. 長崎角煮饅頭@岩崎本舗
 
 
呢個包真係不得了!厚切豚肉煮到變哂色入哂味但口感依然好嫩滑,唔好睇佢好似好多肥膏,連埋個包食一啲都感受唔到油膩感,咬兩咬就已經完全化開,好邪惡但又會勁想再Encore多個!
 
3. 熊本紅豆番薯丸子@くま純
 
 
雖然呢件野叫丸子,但佢份量一啲都唔丸子,激薄丸子皮包住嘅係大粒紅豆同九州產番薯,現場食最正係要以食到熱辣辣剛蒸起嘅丸子,就算係本店都未必食到。
 
4. 完熟士多啤梨軟雪糕@いちご農家の店 太陽のいちご
 
 
呢個軟雪糕上面放咗好多又大粒又甜嘅國產士多啤梨,最後食返杯先走就Perfect喇!
 
第3回 新春大九州展
地點:愛知県名古屋市中村区名駅1-2-1 名鉄百貨店本店 本館7F 催場
電話:052-585-1111
日期:2017年1月11日(水)~2017年1月17日(火)
時間:10:00~20:00(1月17日 10:00~18:00)