名古屋世界啤酒博物館3月9日開幕!

名古屋世界啤酒博物館3月9日開幕!

香港旅遊發展局每年都會搞啤酒節,好多人去捧場~
不過今年要等到8月先有,而且地點係老蘭(包括蘭桂坊, 德己立街及和安里一帶)
唔想同人迫,又唔想俾旅行箱撞,又又想盡情咁飲啤酒~
點算好呢?不如考慮下呢到~~~
 
世界啤酒博物館,其實係東京、大阪同橫濱都已經開左架喇~
黎緊3月9日,名古屋個邊都會開張大吉!
可能有人見「博物館」三個字就諗起「不准飲食」既告示牌~
舒咪媽腥~大家係可以係館內飲啤酒架~
 
仲要有超過200種味既啤酒俾你揀,亦有多個產地既啤酒,總有一隻岩你口味~
 
原來除左有啤酒飲之外,都有得食野架~
呢張係之前其他分店既宣傳單張,可以預約搞忘年會party,成班happy together!
 
入面既職員都會著民族服飾,等大家感受異國風情~~
呢個職員幾靚女,唔怪得搵佢影相~
 
佢地而家都請緊人呀~為左增加異國風情,仲話外國人都請~
所以,就算我地唔識日文,去到都唔洗驚。
反正有鬼妹係到,講英文就溝通到啦!絕對大丈夫!
 
到時,唔知有無人會一路飲啤酒一路唱「3月9日」呢?
 
有興趣既朋友可以去佢地官網睇睇~
 
世界啤酒博物館 (名古屋)
地址:愛知縣名古屋市中村區名駅3-28-12 大名古屋ビルShops & Restaurants 3/F