【同學仔你真搞笑!】咁天真嘅答案,又真係嬲唔落......

【同學仔你真搞笑!】咁天真嘅答案,又真係嬲唔落......

細路哥思想純真,有時我地覺得好理所當然嘅問題,佢地總會畀到啲出乎意料嘅爆笑答案,都明知佢地唔係有心玩野,又點會嬲得落。睇吓以下呢啲日本小朋友嘅功課,就知道佢地心靈好PURE好TURE啦!
 
1. 完全冇辦法話佢錯......
 
圖片來源:twitter.com/rikachan612
 
將填答案個框框都當係文字嘅一部份,少啲想像力都以為佢寫緊個「玉」字!
 
 
2. 意思上又唔可以話錯哂......
 
圖片來源:twitter.com/rikachan612
 
一切都係唔識字惹嘅禍!第二題個「みずから」老師其實係想個同學仔寫「自ら」,但同學仔就寫咗做「水から」,讀音係就係一樣,但個意思就由「由自己體驗」變咗做「由水開始體驗」,小朋友你真係錯得好可愛!
 
 
3. 個箭咀明明係指住個咀喎又真係......
 
圖片來源:twitter.com/junkatu1
 
呢啲係咪叫畫蛇添足?!出卷嗰個明明就咁畫條魚都明啦,但就硬係都要加個箭咀指住條魚,仲要篤正正條魚個咀,係人都會以為個答案係個咀啦!小朋友,我撐你!
 
 
4. 有音讀音......呢個字唔識係有啲抵打
 
圖片來源:twitter.com/kaitou111
 
作為香港人,我地都好鍾意將啲唔識讀嘅字有邊讀邊,不過如果好似呢個同學仔咁將「cross(日文讀音:KUROSU」)個解釋寫做讀音差唔多嘅「殺す(KOROSU)」就有少少過份喇!上堂專心啲好喎小朋友!
 
 
5. 做咩將自己每日有幾多零用錢寫出嚟......
 
圖片來源:twitter.com/kaitou111
 
「一日千秋」係日文四字成語,意思即係一日三秋,度日如年咁解。唔知個學生哥係咪完全未聽過呢個成語,竟然填個「円」未上去,難道佢每日嘅零用錢有一千円?!
 
 
6. 好有創意喎小弟弟!
 
圖片來源:pic.twitter.com/4JK2Ffx0
 
條問題係「請寫右嘅相反」,身為小二生嘅小弟弟所識嘅漢字唔多,所以以為將個「右」字掉轉寫就得,結果自創咗呢個獨一無二嘅文字出嚟,但呢個新字好似仲難寫過個「左」字喎!
 
 
7. 寫錯字令到成件事好暴力......
 
圖片來源:twitter.com/kid_aa91066452
 
呢個又係一個唔可以話佢錯哂嘅答案,因為「銭湯」同「戦闘」個讀音都係一樣,而且意思上都行得通,不過就由「同爸爸一齊去錢湯」變咗做「同爸爸一齊去戰鬥」咁囉。
 
 
8. 個隆......喺邊度嚟?!......
 
圖片來源:twitter.com/kaitou111
 
老師想學生將「He fell in love with her」譯做日文,可能個同學仔見到個「fell」就斷估關個「隆」事,結果就寫咗句「他愛她們的洞」,如果我係改卷老師,真係會嚇到眼珠都跌埋出嚟......
 
+++++++++【樂天平掃日本貨】+++++++++
 
 
滿物滿¥11,000,可享¥1,500優惠
滿物滿¥14,000,可享¥2,000優惠
滿物滿¥20,000,可享¥3,000優惠
外加必掃福袋,詳情請參考: www.likejapan.com/cymonbottom