古靈精怪!盤點日本最騎呢吉祥物!

古靈精怪!盤點日本最騎呢吉祥物!

熊本熊Kumamon係咪好得意哩!紅到衝出日本嘅佢都算係吉祥物之中嘅表表者啦!成日見佢傻傻下周圍仆,不時又扮豬食老虎咁博下人懵都幾搞笑!
 
 
但其實除左熊本熊之外,日本仲有唔同嘅吉祥物㗎...不過係咪同熊本熊一樣最可愛就...唔多講,自己睇!
 
1. わたる君 (嵐山)
 
港人熱門旅遊地區嵐山就有呢隻叫做Wataru Tsukihashi(渡月橋) 嘅吉祥物。據官方表示Wataru已經千幾歲㗎啦,條橋幾耐佢就幾大!不過為左特顯過橋...扮佢個個咪要長期爬住行
 
 
2. Okazaemon 岡左衛門 (愛知縣岡崎市)
 
真人扮演,黑白色調既岡左衛門,作為岡崎市嘅吉祥物,除左心口個崎字之外,我諗唔到其他有咩代表性。聽聞佢仲離過婚有埋小朋友...好滄桑嘅感覺
 
 
有活力都有宅嘅一面
 
 
成個大爺咁款
 
 
佢嘅出現仲為好多小朋友帶嚟歡樂...呀,唔係,係驚嚇先岩!你睇下個小朋友笑得幾夾硬
 
 
3. 北寄貝壽司 (北海道北斗市)
 
13年登場嘅北寄貝壽司,賣點係成肚上面嘅飯都係由北斗市嘅白米做㗎!一睇...其實都幾似d遊戲入面嘅怪獸...
 
 
唔好睇佢樣樣衰衰咁,佢都有唔少捧場客㗎,仲出左唔少精品添!
 
 
顧下型象好喎
 
 
4. 哈蜜瓜熊 (北海道夕張市)
 
同樣嚟自北海道嘅哈蜜瓜熊,可算史上最殘暴嘅吉祥物,任何人都逃唔過佢嘅魔掌!
 
 
連其他吉祥物佢都唔放過
 
 
放開Kumamon 
 
 
等我嚟收拾你!!
 
 
不過佢工作起上嚟其實都好認真嘅!
 
 
5. 刀疤熊 (鹿兒島)
 
刀疤熊係鹿兒島嘅吉祥物,身型睇落就似係修長版嘅kumamon啦!不過睇埋佢個條刀疤,就知道佢係江湖打滾左好耐啦!
 
 
身手仲幾敏捷添
 
 
睇嚟吉祥物界又準備有一場腥風血雨...
 
不過騎呢吉祥物又點只咁少,只係太多太多不能盡錄...創意嘅野,我地識條鐵咩