前Berryz工房成員 嗣永桃子宣布引退娛樂圈

前Berryz工房成員 嗣永桃子宣布引退娛樂圈

前Berryz工房、現為Country Girls成員嘅嗣永桃子(24歲)尋日宣布將會喺2017年6月30日從偶像界畢業並退出娛樂圈。
 
佢話呢日係佢15年前通過甄選成為偶像嘅紀念日。人稱Momochi嘅桃子話2年前佢成為Country Girls嘅Playing Manager,一直睇住成員嘅成長,覺得都差唔多係時候輪到自己都要成長。從以前開始佢就對幼兒教育有興趣,亦都有私下學習呢方面嘅知識,所以希望引退藝能界之後可以從事相關方面嘅工作。
 
其實Momochi都真係唔話得。10歲出道起到而家做Idol做咗差唔多成15年,而且仲同時兼並Berryz工房同Buono!兩隊組合。佢進行偶像活動同時就讀大學同教育實習,搞掂大學論文正式畢業時更加同時考得小學同幼稚園嘅教育許可。
 
Berryz工房停止活動後會就以前輩身份加入Country Girls培養佢哋,即使舊年做完聲帶手術都繼續進行偶像活動,所以就算唔係特別中意佢嘅粉絲都真心尊敬佢呢。
 
雖然我曾經都好唔中意佢個髮型,不過佢其實真係一個幾有實力同專業精神嘅女偶像。隨著佢同℃-ute幾位成員畢業同離去,相信象徵住H!P一個時代嘅完結呢...
 
公認Berryz工房大粉絲嘅AKB一姐指原莉乃都係Twitter表示非常震驚同大感可惜。佢話當年自己因為被欺凌所以稱為隱蔽青年足不離家嘅時候,就係因為Berryz有event係博多先令佢同媽媽商討俾佢出門一個人從大分前往博多㖭呀。指原仲大讚桃子係最完美嘅Idol!
 
 
 
彩蛋:學指原話齋 --桃子出演綜藝節目印象係幾深,當中包括呢個: