出道11年女偶像團體℃-ute宣布明年解散!

出道11年女偶像團體℃-ute宣布明年解散!

三個月前先嚟完香港開演唱會嘅Hello! Project旗下偶像團體℃-ute,今日突然喺官方網站宣布將於明年6月開完12週年演唱會後解散。 呢個突如其來嘅消息令好多粉絲表示驚訝傷心。
 
出道11年女偶像團體℃-ute宣布明年解散!
▲℃-ute嘅現任成員有五位,包括隊長矢島舞美、 中島早貴、鈴木愛理、 岡井千聖、以及萩原舞。由2007年2月21日第一張單曲《櫻花乍現》開始至今,連續29張單曲的銷量都達到Oricon週間銷量排名10位或以上嘅紀錄。

 

℃-ute嘅成員同經理人公司今朝喺官方網站發表聲明,兩方面都提到全部成員已經年滿20歲,出道也已經達11年。當經理人公司同成員一起討論以後目標時,發現成員各自都有唔同想發展嘅方向。不過基於五人當時未實現喺埼玉Super Arena開演唱會嘅夢想,當時決定繼續努力進行團體活動。然後自宣布明年6月出道12週年紀念演唱會之後,因為佢哋終於能夠踏上夢寐以求嘅舞臺,所以就希望可以以此為終,實現夢想後解散組合,各自追尋新嘅目標。

 

出道11年女偶像團體℃-ute宣布明年解散!
▲℃-ute五位成員表示佢地係Hello! Project一手湊大嘅組合,因為有H!P先至有佢哋。因此比起暫時停止活動或從H!P畢業,佢地選擇咗解散,希望到最後一刻五位都係屬於Hello! Project嘅℃-ute。佢哋仲話堅持咗十一年追尋夢想,可以五個人一齊踏上呢個大舞台,終於可以自信地同大家講℃-ute已經無憾了。

 

最後佢哋仲多謝成軍咁多年來一路支持佢地嘅粉絲,如果唔係佢哋都唔會走到今日。佢哋仲話覺得事務所嘅後輩非常之可靠,相信後輩們能夠繼承佢哋嘅意志繼續守護及帶領H!P。

 

事務所方面表示到明年六月呢段期間,都會盡量俾℃-ute進行自己嘅團體活動, 未來亦會繼續推出新歌,希望各位粉絲繼續支持及守護佢哋。但佢哋就會缺席2017年1月開始嘅Hello! Project Concert Tour。
 
出道11年女偶像團體℃-ute宣布明年解散!
▲的確出道12年嘅℃-ute喺事務所入面已經算係姐姐級嘅組合,但最近走成熟風走得幾成功,大家都以為佢哋暫時唔會解散。作為粉絲雖然傷心但希望佢哋轉做個人發展之後都可以順順利利啦!唯一可以做嘅就係喺明年6月之前繼續支持佢哋喇~
 
 
(上個星期先俾SMAP打擊完、今個禮拜就到℃-ute…唉)