再見殺老師,暗殺教室要完了!

再見殺老師,暗殺教室要完了!

由2012年開始喺 《週刊少年JUMP》連載嘅《暗殺教室》啱啱就宣佈左去到3月就會正式Byebye!
 
《暗殺教室》講一個最強嘅超生物《殺老師》炸完月球不得止,仲話要爆埋成個地球!搞到俾各國首腦通緝。唔知點解又誤打誤撞去左一間中學教書,所以d首腦就要求班學生,一年內殺左個老師,唔止俾獎金佢地,仲俾埋特製武器佢地對付老師!
 
結果,成個故事就係由睇住班學生點樣絞盡腦汁 KO 老師而展開。
 
因為佢題材夠新穎過癮,一直都吸左唔少粉絲,仲威威豬到出埋動畫同電影。
 
 
可惜3月推出嘅16號刊將會係最後一期見到殺老師同3年E班,相信隨住漫畫嘅落幕,動畫同電影好多都會嚟個完結篇!
 
呢個係之前電影版嘅預告,嚟緊3月18號9點係富士電視台會播出整套電影俾大家重溫。
 
 
唔捨得?唔緊要,香港動漫主題Youme Cafe(油麻地店)咁啱就做緊暗殺教室主題,不過去到29號咋!
 
 
大家想去就快d啦,唔係唔知要等幾時lu!
 
Youme Cafe
舉辦期間:2016年2月1日至2月29日
店舖地址: 九龍油麻地彌敦道530-538號現時點2/F(油麻地港鐵站A2出口)
營業時間:11:30 ~ 22:00