【兔耳復活蛋出嚟搞搞震!】 米奇變身「超可愛追捕手」陪你追追追!

【兔耳復活蛋出嚟搞搞震!】 米奇變身「超可愛追捕手」陪你追追追!

農曆新年都未到,東京迪士尼就已經公佈咗今年復活節有咩玩!除咗有復活節巡遊之外,仲會加入《Zootopia》嘅主角Judy同騙子狐狸阿Nick呢兩位新卡通角色,迪士尼嘅粉絲們係咪好興奮呢!
 
 
為咗迎接復活節嘅來臨,迪士尼一眾卡通都忙於製作復活蛋,點知喺整整吓嘅途中,復活蛋工場竟然發生事故,一大堆兔耳調皮復活蛋趁機逃跑入迪士尼樂園入面,米奇為咗捉返哂佢地返嚟,同其他卡通齊齊化身成超可愛追捕手出動捉蛋!
 
咁精彩又搞鬼嘅一幕將會喺4月4日至6月14日復活節期間巡遊時段上演,想知米奇同班朋友仔捉唔捉得哂啲兔耳調皮復活蛋返嚟?記得早啲去霸定靚位啦!
 
 
除咗有咁精彩嘅復活期間限定巡遊表演,入場記得拎埋搜捕兔耳復活蛋嘅專用地圖,根據地圖上記載嘅目擊情報,你又可以捉得到幾多隻逃脫中嘅復活蛋呢?
 
 
 
兔耳調皮復活蛋嘅造型超可愛,如果想將佢帶埋返屋企的話臨走唔好忘記要入Shop行吓,復活節期間店內可以買到兔耳調皮復活蛋公仔同換上復活新裝嘅迪士尼角色相關產品,小心買到停唔到手!
 
Disney's Easter 2017
日期:2017年4月4日~6月14日
地點:東京迪士尼