【倒數1個月】伊藤潤二展降臨香港 加入獨特香港元素4大看點!

【倒數1個月】伊藤潤二展降臨香港 加入獨特香港元素4大看點!

萬眾期待嘅「伊藤潤二恐怖美學體驗大展」仲有唔夠一個月就嚟到香港PMQ元創坊啦,為期由2017年2月6日展出至同月26日。今次呢個展台灣開到嚟香港,製作團隊特意加入本土元素吸引本港嘅忠實粉絲!仲有香港版特別門票,一齊睇下個展有咩正嘢啦!

 

【香港獨家專區 經典角色現身香港街頭】
【倒數1個月】伊藤潤二展降臨香港 加入獨特香港元素4大看點!
今次香港站展覽會出現一個香港獨家專區,係伊藤潤二親身同展覽團隊共同合作,將多個伊藤筆下多個漫畫主角同香港街景結合,創造出全新嘅漫畫場景,非常正!絕對係香港粉絲不能錯過嘅場面啊!

 

【香港站加入「魔之碎片」珍貴手稿】
【倒數1個月】伊藤潤二展降臨香港 加入獨特香港元素4大看點!
製作團隊特別為香港站嘅忠實粉絲安排展出嘅10張伊藤潤二作品「魔之碎片」珍貴手稿,包含取錄自「富夫:紅色高領衫」、「緩慢的告別」、「解剖妹」同「黑鳥」等短篇故事。各位伊藤潤二迷可以近距離欣賞老師係手稿上使用鉛筆做嘅註記同手寫對白㖭呀!

 

【結合AR實境同專屬手機APP令作品動起來!】
【倒數1個月】伊藤潤二展降臨香港 加入獨特香港元素4大看點!
今次展覽喺PMQ舉行,將設有多個互動體驗,例如用AR實景眼鏡配合專屬手機App等大家可以見到真係識郁嘅角色!另外,伊藤潤二迷亦都可以飽覽伊藤潤二嘅工作室全貌,而場內亦設有「人頭氣球恐怖拍照亭」,大家都可以用自己個樣製作「人頭氣球」,正!

 

【台灣魔術師 王子妃全裸演繹「富江」攝影展】
【倒數1個月】伊藤潤二展降臨香港 加入獨特香港元素4大看點!
【倒數1個月】伊藤潤二展降臨香港 加入獨特香港元素4大看點!
要講到伊藤潤二筆下角色,不斷被情人分屍但又再生繁殖能力嘅富江一定是其中一個最出名嘅一個。台灣著名女魔術師王子妃身為伊藤潤二粉絲就曾經全裸上陣cosplay「富江」,仲同著名Cosplay攝影師吉田舜合作。攝影作品亦會於今次香港展展出,大家都可以見到佢哋為香港精心打造恐怖又美麗誘人嘅富江短片!

 

講咗咁耐,咁點先買到飛去睇呢?話說今次呢個展仲有售價200蚊嘅「香港限定人頭氣球套票」,憑票可獲贈香港限定嘅人頭氣球布袋,同埋極具人氣嘅吹氣人頭氣球!數量有限,如果想收藏限定禮品嘅朋友就要留意手快有手慢無啦!
【倒數1個月】伊藤潤二展降臨香港 加入獨特香港元素4大看點!

 

獨立門票售價港幣100蚊,兩款入場門票都可以係主要售票網Timable、或者經Ticketflap網站訂購!其他詳情就記得留意返官方網站同大會Facebook喇!

 

官方網站:www.itojunjitaiwan.tw
官方Facebook專頁:www.facebook.com/itojunjitaiwan