以後去日本,除咗樂園 連入境都有得玩快證……

以後去日本,除咗樂園 連入境都有得玩快證……

有啲人最鐘意就係用金錢買時間,例如去樂園會買快證啦,不過而家去日本旅行已經進化到連入境都可以「先人一步」啦。
 
 
話說日本政府13年就推動「觀光立國基本計畫」,目標係2020年前達到每年招攬外籍觀光客2500萬人次,藉此促進經濟發展,不過去到舊年,原來個數目已經達到1974萬人次,於是日本就將目標提高至4000萬人次。
 
 
而其中一項政策,就係開放原本只係為日本人和在日本居住外國人而設的自動化通道。准許十二個月內曾經到過日本兩次而有持有日本政府認可免簽證戶照嘅朋友以「信用旅客 (Trusted Traveler) 」嘅身份使用(當然你係要冇坐過監同冇試過被拒入境之類啦)。
 
 
 
合資格嘅朋友,只要事前在網上申請,落機後如常做記錄指模、拍照,之後就可以領取自動卡,以後就經自動通道入境啦。留意暫時只有成田第1、2航廈(廉航冇得玩…)、羽田、中部同關西機場4個地方有自動通道。
 
 
 
嗱嗱嗱,所謂合資格嘅朋友,都真係有啲資格要合呀。而家就俾部分例子你:
 
1.到日目的為商務/探親/觀光等短期停留
2.二次審查前一年曾入境兩次或以上
3.冇被拒入境或驅逐出境記錄
4.過去一年於以下任何一個機構工作並預定繼續在任
)政府機關(港/日)
)政府持份公司(港/日)
)國際組織
)日本上市公司或其子公司
)香港上市公司
)資本超過5億日圓的公司(港/日)
5.持有日本政府認可免簽證戶照
6.冇被判罰款以上刑責之記錄
###已通過美國全球通關計劃嘅美籍人士豁免條款4,5
 
 
 
咁以後就可以唔洗一落機就同其他人「衝鋒21」咁直奔去搶排隊啦!
 
 
 
 

回覆