人氣「宗教」漫畫《聖☆哥傳》宣佈將拍真人日劇!

人氣「宗教」漫畫《聖☆哥傳》宣佈將拍真人日劇!

唔知大家有冇睇過呢套超好笑嘅漫畫呢?呢套中村光嘅作品今日於連載漫畫雜誌上公佈將會成為真人日劇作品,不過就暫時未公佈卡士,詳細資料將會於正式連載100話嘅下一期公佈。
 
人氣「宗教」漫畫《聖☆哥傳》宣佈將拍真人日劇!
 
《聖☆哥傳》講述嘅係佛祖同耶穌度過世紀末之後一齊落咗凡間「渡假」,並一同合租位於東京立川嘅公寓過住同居生活,係一套描述佢哋同現代社會互動、好好笑嘅輕鬆小品。自2007年起開始連載,並於2013年改編為動漫電影,並由近期大熱嘅星野源飾演佛祖、森山未來飾演耶穌。星野源仲包辦埋電影主題曲㖭呀!
 

雖然未公布演員名單,但就有好多網友都有心水喎!你哋又最想見到邊個做佛祖同耶穌呢?
 
日網民理想嘅佛祖:
人氣「宗教」漫畫《聖☆哥傳》宣佈將拍真人日劇!
 
暫時理想佛祖人選就係星野源(左)最高,因為電影版都係佢配音,加上佢呢期真係好紅!另外佐藤二郎(右)喺《勇者義彥》系列飾演嘅佛祖同樣深入民心,好多網民都話想見到佢繼續演佛祖咁話喎~
 
日網民理想嘅耶穌:
人氣「宗教」漫畫《聖☆哥傳》宣佈將拍真人日劇!
左起:山田孝之、小田切讓、又古直樹、森山未來
 
長髮型男就比較多選擇~最好笑係有人提議不如搵番Johnny Depp嚟演XD
人氣「宗教」漫畫《聖☆哥傳》宣佈將拍真人日劇!
 
資料來源:《聖☆哥傳》Twitter、Natalie.mu