《人中之龍6》酒店小姐公開投票

《人中之龍6》酒店小姐公開投票

每次人中之龍出Game,玩家除左關注邊個係主角之外,第二最關心就梗係有邊個索靚正夜總會小姐啦!
 
今次SEGA Games 就搞左個《人中之龍 6》演出者選拔,總共超過 1000 名報名參加,最後總共有 15 人進入最終選拔階段,預定係入面揀5 個參與遊戲嘅演出。而家就舉辦緊為期 1 個月嘅線上大眾人氣投票,結果將作為 4 月尾最終選拔嘅參考資料。(係呀,參考架咋可能一早內定左)
 
 
  入圍嘅候選者黎自各行各業,包括藝人、女子摔角手、寫真藝人、酒店小姐、模特兒、OL、賽車皇后、創作歌手等。當中竟然有台灣代表 SORA。
 
 
日本代表方面比較受注目嘅就係人稱《摔角妖精》嘅《赤井沙希》(堅係摔角手嚟㗎!)
 
 
只要上番官方網站就可以睇到佢地嘅個人資料同埋自我介紹影片,每人每日可以投 3 票俾候選者。
 
不過講真…就咁睇相要我投3個…我有少少揀唔落手,再諗起通常遊戲出嚟個樣會再打折…有少少覺得不敢想像,哈哈!不過我都投左台灣代表Sora一票!支持支持下啦