一日巫女入門體驗!

一日巫女入門體驗!

細個睇美少女戰士時,都會幻想自己係火野麗~
係神社做巫女,拎住道符“惡靈退散”!
 
咁係川越站附近呢,就有間氷川神社!
係黎緊3月28日,可以俾有婚約既女仔去做一日巫女!
 
 
 
 
我都好想去,但可惜,我連男友都無,無婚約者係唔可以參加呢個活動~
朋友話,去黎做咩喎,著套巫女衫係到掃地,仲要俾5000yen。
嘛…修行既野,你識條鐵咩?
 
我要努力搵真命天子,之後去做一日巫女!!!
我要做火野麗!雖然我最中意既係月野兔~~