一個扭蛋增強你屋企保安?日本最新玩嘢之作「防罪扭蛋」

一個扭蛋增強你屋企保安?日本最新玩嘢之作「防罪扭蛋」

最近日本推出咗呢隻扭蛋,引起一班網民嘅熱話。呢隻扭蛋真係唔話得,因為佢嘅設計原意係要減低犯罪率,同埋增強你屋企嘅保安!到底係咩扭蛋咁巴閉?
 
登登登凳!
 
其實呢款扭蛋係一個磁石嚟嘅。設計到好似一個門口插鎖匙嘅鍵孔咁,官方就話你可以加啲超能膠黐係唔同嘅地方,發揮你嘅想像力小宇宙!例如黐好多個係門口,咁就算有小偷要嚟偷嘢都會嚇到呆咗唔知撬邊個啦!(雖然我覺得明明一眼就睇得出個分別xD)
 
呢款只賣200Yen、Humorous art&design設計嘅扭蛋共有六隻色,黐手機、雪櫃都得。唔知大家又會照常拎嚟黐係邊呢?