搶購6個東京無印良品福袋2016 (附搶購心得)

搶購6個東京無印良品福袋2016 (附搶購心得)

福袋象徵好消頭,所以每年日本新年1月1及2日,日本差唔多所有店舖都會推出福袋,福袋裡面有咩大家都唔知,但福袋裡面嘅商品合共價值肯定超過福袋嘅價格!所以無輪日本人同旅客都對搶福袋呢個傳統感到好興奮!

小編係剛過去嘅2016年1月1日及1月2日去左東京搶福袋呀,由於已經係第二年係日本搶福袋,吸收過往年嘅經驗,我唔會再亂咁買福袋啦,因為上年買左太多伏袋了XD

搶購6個東京無印良品福袋2016 (附搶購心得)

小編個人意見認為無印福袋係最值得入手嘅福袋,因為佢真係唔會呃你,透明膠袋包裝,可以預先窺探入面有啲咩,而且貨品中伏率極低,一直被評為性價比最高嘅福袋!
搶購6個東京無印良品福袋2016 (附搶購心得)

但咁正嘅福袋又點會咁易比你買到,你想訓醒斯斯然食埋LUNCH先過去無印買福袋?無可能嘅事!唔預早係開門之前排隊已經偷笑啦,相對一啲熱門地區嘅無印,更加要早半小時以上排隊;如果想買到心儀嘅福袋無守保計更加要早一個半小時到!
搶購6個東京無印良品福袋2016 (附搶購心得)
*1月2日提早1小時15分鐘到達吉祥寺0101分店已大排長龍

無印福袋一共係有7款嘅,包括:
1.女裝衣服(S,M,L)- 5000円
2.女裝衣服(S,M,L)- 3000円
3.男裝衣服 -(M,L)5000円
4.男裝衣服(M,L)- 3000円 
5.家品 – 3000円 
6.文具 – 1000円 
7.美妝小物 – 2000円

小編總共買左6個無印福袋返黎,分別係1個5000円男裝M碼福袋,1個5000円女裝S碼福袋,1個家品福袋,1個美妝小物福袋同2個文具福袋;但由於今年由每人限買2個變左每人限買1個,所以小編係2日內總共去左3間無印,同男友每間買2個福袋夾埋6個,以下係我小小搶無印福袋嘅心得^^

1.知道幾時開門
日本元旦1月1日好多商店及百貨公司都會關門,只有小部分開門,咁我地就要搵呢小部分出黎,去邊道搵?就係去日本無印個官網搵啦
http://www.muji.net/shop/?area=header
我1月1日分別去左9點開賣嘅荻窪分店同埋11點開賣嘅吉祥寺LOFT分店無印,記得搵埋開門時間,咁就可以一日裡面搶到2間無印啦!
然後1月2號再去多間,咁就可以夾埋去到3間無印搶福袋了!

2.冷門地區+酒店附近
冷門地區少人排隊係正確嘅,好似我去左酒店附近嘅荻窪站分店就真係早15分鐘去到都可以搶到福袋,不過福袋款式的確冇咁多,但起碼少人,唔迫,快脆!所以如果你酒店附近有冷門地區嘅無印分店,不防去個道搶,冇謂辛苦自己,近近地有一間就唔好去咁遠,因為無印福袋嘅重量都不容忽視,搶完我通常都會返酒店放低先!
搶購6個東京無印良品福袋2016 (附搶購心得)

*可以見到福袋又大個又重!

3.大型店舖
雖然小編BUY冷門分店多啲,但大型店舖都有大型店舖嘅好處,最大好處就係量多,不過呢啲都係成正比嘅,大型店舖真係勁多人去呀!雖然係咁,但我覺得去大型店舖會感受到更多搶福袋嘅氣氛,呢啲係冷門分店感受唔到,小編其實本身打算去有樂町分店搶福袋,因為佢係全世界最大間嘅無印,但係由於離酒店實在太遠,我要6點起身先得,我未可以去到咁盡XD,最後去返酒店隔離嘅吉祥寺大型分店!大型分店真係唔同啲,早1小時15分到都大排長龍,詳細睇我條片啦!

東京無印大型分店:
有樂町分店:
東京都千代田区丸の内3-8-3 インフォス有楽町 1~3F
錦系町分店:
東京都墨田区江東橋4-27-14 リヴィン錦糸町店 5F
池袋西武分店:
東京都豊島区南池袋1-28-1西武池袋本店別館1~2F
新宿分店:
東京都新宿区新宿3-17-1 いさみやビル B1~3F
涉谷西武分店:
東京都渋谷区宇田川町21-1 渋谷西武パーキング館B1F モヴィーダ館B1~5F
吉祥寺0101分店:
東京都武蔵野市吉祥寺南町1-7-1 丸井吉祥寺店 6~7F
吉祥寺西友分店:
東京都武蔵野市吉祥寺本町1-12-10 西友吉祥寺店 3F

6個福袋我已經開左箱啦,今年搶到嘅衣物福袋冇上年咁正,但都唔錯,文具福袋依舊係最超值嘅福袋!
係咪好想睇我嘅開箱片呢,繼續?實LIKE JAPAN啦,我之後仲會送出部分福袋添呀!
搶購6個東京無印良品福袋2016 (附搶購心得)

其他福袋文章:
搶購6個東京無印良品福袋2016 (附搶購心得)
2016日本無印MUJI福袋大開箱(文具編)
2016日本無印MUJI福袋大開箱(家居編)
2016日本無印MUJI福袋大開箱(男裝編)
​2016日本無印MUJI福袋大開箱(美妝編)
​2016日本無印MUJI福袋大開箱(女裝編)