【劇毒注意】一人卡啦OK的恥力大挑戰

【劇毒注意】一人卡啦OK的恥力大挑戰

大家有無聽過「ヒトカラ」呢?其實就係「一人カラオケ」(一人卡啦OK)咁解,係帶大家正式入K房前,等我地聽下日本人點睇「ヒトカラ」?
 
【日本街訪】聽說日本人流行一個人去包廂唱卡拉OK ?
 

原來時下日本年青人似乎都唔太會去唱一人K,覺得會有一定勇氣先會咁做,又或者咁樣做係一件好悲傷既事…

 

不過筆者出污泥而不染,同呢班可惡既現充唔同,依然決定鼓起勇氣繼續自己一人之旅!既然有一隻字專係形容呢類活動,相信筆者就算一個人去到都唔會比人當專極大毒瘤掛?

 

雖然日本確實係有專for一個人唱既k房,但係由於今次唱一人k係筆者既「第一次」,加上地點比較方便,所以最後都係選擇深入現充們既虎穴,走到呢間ジャンカラ 心斎橋店獻上自己既初體驗

【劇毒注意】一人卡啦OK的恥力大挑戰

 
上到去店員隨即會好好笑容咁歡迎你,望望佢個樣,睇黎都無咩特別既反應(咁都正常既!雖然片中講到一般人唔會自己走去唱k,但其實年中應該都有唔少人得閒無事自己走上去消耗下,而係我租房既時侯已經分別有幾個人獨自租房/退房)

 

如果讀者們唔識講日文都唔緊要,因為上到去手指指去你想唱幾耐,同埋填返張表寫返啲基本資料(名、電話等等)就可以…價錢方面,晏就去唱的話每半個鐘都只需要百六yen,其實都幾抵(但千祈唔好淨係唱半個鐘,睇埋落去就知點解!)
【劇毒注意】一人卡啦OK的恥力大挑戰
 
雖然筆者叫做識啲日文,同日本人溝通基本上無太大問題…不過接下來店員叫我二揀一,我兩個選項就唔知咩黎(;´艸`)事後查返原來日本唱k有兩大類可以揀,一類叫DAM,而另一類叫JOYSOUND

 

咁到底兩者有咩分別?大家去到又應該點揀?我地先睇睇日本人會點揀啦
【劇毒注意】一人卡啦OK的恥力大挑戰
 
DAM派 57.7%
JOYSOUND派 7.7%
無所謂派 34.6%

 

點解咁多人揀DAM?佢地話…
 
.有比較多歌手MV

.音質清晰

.DAM既MV更新比較快

.尤其係動畫MV比較豐富

.總覺得比較有安心感

.伴奏同原曲接近,唱起上黎都易啲

.轉Key既時侯啲音比較靚
 

唔怕話你知,筆者實際上去過兩次,所以兩隻都試過曬!咁筆者又建議點揀?
 
無特別原因其實DAM確實比較好,因為係香港我地唱K都會有歌手原聲伴唱,但日本既K房其實係無呢回事,如果你想聽住歌手唱(尤其係歌緊日文既時侯跟住歌手唱會比較安心),係需要特別自己較…而且因為版權問題,唔係隻隻歌都會歌手原音,就住呢點,DAM確實係比Joysound優勝,因為…
【劇毒注意】一人卡啦OK的恥力大挑戰
有「本人歌唱」既歌曲數量,DAM其實係絕對完勝…

 

好!講多無謂,入去唱K最實際~
雖說一個人唱,但間房一啲都唔細,睇落應該似係四人房,而家比曬我一個人用仲要無人搶咪唱都咪話唔爽!

【劇毒注意】一人卡啦OK的恥力大挑戰【劇毒注意】一人卡啦OK的恥力大挑戰

 
飲品免費(但只限寫明無料個堆),其實都係汽水同茶呢啲普通野,難得黎到唱專心啲唱多幾首仲好
【劇毒注意】一人卡啦OK的恥力大挑戰
 
點歌系統十分user friendly,拎起部機篤幾篤就搞掂,初黎報到不外乎用呢幾個功能揀歌:
【劇毒注意】一人卡啦OK的恥力大挑戰
 
「ジャンル(歌曲類別)」:動畫迷福利,直程有一個類別叫「アニメ」,基本上入到呢個類別就係各位毒毒既主埸
【劇毒注意】一人卡啦OK的恥力大挑戰
呢個係joysand既系統,其實一樣有唔少動畫名曲
 
「ランキング/ベスト (排行榜)」:入到去幾本上係啲日本人去到必唱既熱門歌,比較意外既係榜上亦有唔少動畫歌
 
「歌手名/曲名」:由於要輸入日文,如果打算去唱的話建議大家預備定個名單,去到再慢慢搵唱邊隻實在太曬時間啦…
【劇毒注意】一人卡啦OK的恥力大挑戰
 
 
 
起初筆者打算只係過一過癮,唱半個鐘,但由於起初完全唔熟個點歌系統,加上搵歌唱又花左段時間…所以去到最後真正唱到既只有幾首(當然筆者最後去左加鐘啦!)

 

最後大家一齊黎估歌仔,睇下筆者有咩心水 放心,唔係聽返筆者唱歌…
 
【劇毒注意】一人卡啦OK的恥力大挑戰
 
【劇毒注意】一人卡啦OK的恥力大挑戰
 
【劇毒注意】一人卡啦OK的恥力大挑戰
 
 
 
呢首真係莫名其妙…我本身想唱終物語隻主題曲(mathemagics),但佢出既歌詞真係如歌名般係一堆數字 orz
【劇毒注意】一人卡啦OK的恥力大挑戰
 
原曲:

 

 
以下係筆者既溫馨提示:
 
1.唔識日文既朋友,聽到店員問啲奇怪既二選一既問題,答「ダム」(dan mu)
 
2.最好唱一個小時或以上,否則會好無癮…
 
3.事先諗定有咩係自己必唱,歌名有漢字既先搵搵佢既平假名
 
4.退房前十分鐘會有鈴聲提示,想加鐘既出去counter order就可以