登陸香港站!伊藤潤二恐怖美學體驗大展

登陸香港站!伊藤潤二恐怖美學體驗大展

繼台灣開完展之後,伊藤潤二粉絲等到頸都長嘅「伊藤潤二恐怖美學體驗大展」終於開到嚟香港PMQ啦!如果一早已經去過台灣站展覽會的話,唔好以為香港就唔值得再去,因為製作團隊特意加入咗本港獨有嘅元素同「香港獨家專區」,場地亦比台灣站大兩倍!所以小編幾時都話香港係一塊福地~哈哈

登陸香港站!伊藤潤二恐怖美學體驗大展

區內最特別嘅就係AR互動體驗區,只要戴上AR眼鏡,再行近區內展示嘅恐怖漫畫前,驚悚動畫就會即刻湊近眼前,而且仲有埋音效!細膽鬼要留意了~不過可以見到識郁嘅人頭氣球同埋富江,感覺好奇妙~!

登陸香港站!伊藤潤二恐怖美學體驗大展

係水內重生中嘅富江!

登陸香港站!伊藤潤二恐怖美學體驗大展

當然唔少得同富江合影吧~

登陸香港站!伊藤潤二恐怖美學體驗大展

除咗富江之外仲有雙一!

登陸香港站!伊藤潤二恐怖美學體驗大展

場內仲有真人版富江同雙一可以野生捕獲!所以打扮得暗黑啲,影相時就可以同佢地融為一體XD

登陸香港站!伊藤潤二恐怖美學體驗大展

輪到香港獨家專區,係伊藤潤二專登同展覽團隊合作創造以香港為背景嘅漫畫,包括富豪雪糕車等,相當有誠意!

登陸香港站!伊藤潤二恐怖美學體驗大展

登陸香港站!伊藤潤二恐怖美學體驗大展

同樣係香港粉絲獨佔嘅,就係場內會展出10張伊藤潤二嘅作品「魔之碎片」珍貴手稿,包含取錄自「富夫:紅色高領衫」、「緩慢的告別」、「解剖妹」同「黑鳥」等短篇故事,大家可以近距離欣賞老師嘅鉛筆稿同手寫對白!

登陸香港站!伊藤潤二恐怖美學體驗大展

最後就係「人頭氣球恐怖拍照亭」,入去影完相就會發現「人頭氣球」變咗做自己個樣!就連伊藤老師自己都表示,呢個係佢最喜愛嘅環節~

登陸香港站!伊藤潤二恐怖美學體驗大展

行完展覽區,當然要買番啲野返去做手信啦!個人覺得口罩同tote bag最實用。

登陸香港站!伊藤潤二恐怖美學體驗大展

真心鐘意伊藤老師嘅畫的話,手繪本亦好值得購入!

登陸香港站!伊藤潤二恐怖美學體驗大展

至於門票,可以經由Timable或Ticketflap網站訂購,每張售價為HKD$100,如果想有埋香港限定嘅人頭氣球布袋同埋人頭氣球,就可以購買HKD$200嘅「香港限定人頭氣球套票」,留意番數量有限,想收藏就唔好猶豫啦!

登陸香港站!伊藤潤二恐怖美學體驗大展

日期:即日起至2月26日

時間:10:00-21:00

地點:PMQ元創方(中環鴨巴甸街35號)

官方網站:www.itojunjitaiwan.tw

官方Facebook:www.facebook.com/itojunjitaiwan