【注目度急上昇】最愛二次元籃球少女 廣瀨愛麗絲:我唔係混血兒!

【注目度急上昇】最愛二次元籃球少女 廣瀨愛麗絲:我唔係混血兒!

新一年等我阿Anne繼續為大家介紹下日本娛樂圈上位中嘅藝人啦!今日就介紹下最近注目度急上昇中嘅廣瀨愛麗絲!
 
【注目度急上昇】最愛二次元籃球少女 廣瀨愛麗絲:我唔係混血兒!
【注目度急上昇】最愛二次元籃球少女 廣瀨愛麗絲:我唔係混血兒!
 
廣瀨玲就可能好多人都聽過,其實廣瀨愛麗絲就係佢親家姐。兩姐妹顏值都好高,所以呢對廣瀨姐妹花喺娛樂圈都好出名,而青春逼人嘅佢哋仲成日合拍廣告!大部分都係以年青人為主要對象,可見佢哋幾受年輕人歡迎!
【注目度急上昇】最愛二次元籃球少女 廣瀨愛麗絲:我唔係混血兒!
 

其實廣瀨愛麗絲小學6年級嘅時候已經被經理人發掘,而當時嘅佢又曬到好黑,又係一個短頭髮嘅籃球少女,連佢經理人都話當時根本唔知佢係男仔定女仔!
【注目度急上昇】最愛二次元籃球少女 廣瀨愛麗絲:我唔係混血兒!

【注目度急上昇】最愛二次元籃球少女 廣瀨愛麗絲:我唔係混血兒!

睇番以前嘅相,同而家長頭髮嘅氣質都真係幾唔同!
【注目度急上昇】最愛二次元籃球少女 廣瀨愛麗絲:我唔係混血兒!
 
而家係時裝雜誌Seventeen模特兒嘅佢,早幾年仲係以短頭髮登上大銀幕,同組合Sexy Zone成員中島健人一齊主演《鋼之鍊金術師》原作者荒川弘嘅作品《銀之匙》嘅真人化電影,飾演女主角御影亞紀。
【注目度急上昇】最愛二次元籃球少女 廣瀨愛麗絲:我唔係混血兒!
 
因為比較似外國人嘅面容,加上個名叫愛麗絲,所以佢成日比人問係咪混血兒。不過佢本人都證實咗佢係100%日本人!其實佢廣瀨愛麗絲只係佢藝名,原名係叫大石麻由子。網民都話可能係佢社長就係想營造佢係混血兒嘅錯覺,然後話覺得呢招好成功添!(而廣瀨玲原名就係大石玲華)
【注目度急上昇】最愛二次元籃球少女 廣瀨愛麗絲:我唔係混血兒!
【注目度急上昇】最愛二次元籃球少女 廣瀨愛麗絲:我唔係混血兒!【注目度急上昇】最愛二次元籃球少女 廣瀨愛麗絲:我唔係混血兒!
 
望落的確有啲似外國人嘅氣質啊!
 
點解話佢最近注目度急上昇呢?除咗嚟緊呢年有一系列佢有份演重要角色嘅電影同舞台劇作品之外,佢啱啱出演嘅週末綜藝節目《時尚主義》都引起咗網民嘅迴響!
 
因為大家發現咗呢個靚靚青春女演員原來係個宅女,而且講嘅嘢仲引起一班二次元愛好者嘅共鳴!佢喺節目完全暴露咗佢身為漫畫愛好者嘅一面,仲要唔係一般明星話自己都鍾意睇漫畫嗰種,而係真真正正熱衷die hard嗰種!
【注目度急上昇】最愛二次元籃球少女 廣瀨愛麗絲:我唔係混血兒!
 
節目中公開咗佢間房嘅書架,佢仲逐一介紹自己中意嘅漫畫同二次元商品,例如棒球漫畫《鑽石皇牌》,佢就話最中意聲優花江夏樹配音嘅角色春市。同時佢用緊嘅iPhone case同樣係花江配嘅角色、《東京喰種》嘅金木研。佢仲喺自己嘅2017月曆發布會度同記者承認金木小天使係佢最想交往嘅對象添!(少女,咁仲重口味嘅XD)
【注目度急上昇】最愛二次元籃球少女 廣瀨愛麗絲:我唔係混血兒!
 
以下係佢最引起各位網民共鳴嘅一啲金句。愛麗絲就話自己去旅行或者要出trip拍攝時都會帶大量漫畫去解悶。「如果要留一晚就帶15本左右,三晚就帶3至40本。」當工作人員問點解佢唔睇電子版,佢就話:「我一定要睇紙製版嘅漫畫。漫畫,必須咁先好。」佢仲話非常享受一頁一頁揭落去嘅感覺,話電子版無論如何都取代唔到!最後工作人員仲影到佢購買大量漫畫,而佢仲話:「希望可以死時被漫畫包圍住。」
【注目度急上昇】最愛二次元籃球少女 廣瀨愛麗絲:我唔係混血兒!
【注目度急上昇】最愛二次元籃球少女 廣瀨愛麗絲:我唔係混血兒!
 
廣瀨愛麗絲呢個宅女嘅一面令好多觀眾同網民都感到意外,好多人都話估唔到呢個靚女係咁中意二次元,而且仲堅守自己嘅原則!大家紛紛話對佢改觀同好感度上升!最搞笑嘅係當記者問佢想唔想出演《東京喰種》真人版電影同金木研演對手戲嘅時候,佢竟然耍手擰頭話:「No,真人版電影同漫畫係唔同,係兩樣嘢。」(詳細訪問可以睇呢度
 
【注目度急上昇】最愛二次元籃球少女 廣瀨愛麗絲:我唔係混血兒!
 
妹妹廣瀨玲就試過幾次失言引起網民聲討,不過姐姐睇落就比較有常識,而且講嘅嘢都非常令網民受落~嚟緊佢仲會主演多套電影,例如同綾野剛拍嘅《新宿天鵝II》就演陪酒女郎、同山崎賢人合拍真人版電影《冰菓》,同埋日劇 《釣魚狂日記2》。雖然都有幾套係真人版電影,不過佢咁鍾意2次元,我諗佢識點做嘅!
 
《新宿天鵝II》預告,愛麗絲妹妹好似有突破性演出?
【注目度急上昇】最愛二次元籃球少女 廣瀨愛麗絲:我唔係混血兒!
 
《冰菓》造型照

【注目度急上昇】最愛二次元籃球少女 廣瀨愛麗絲:我唔係混血兒!
【注目度急上昇】最愛二次元籃球少女 廣瀨愛麗絲:我唔係混血兒!
 
相信佢今年都會繼續上位,一於到時睇下佢嘅作品hit唔hit啦!