[東京街訪]NO朱古力NO TALK！日本人嘅情人節超現實！

情人節單身人士（狗）唔帶返副黑超護眼分分鐘比人閃到盲～

不過放心，此PO並無放閃成分，仲赤裸裸地話比你地知日本人係幾咁現實！

首先依個男士都算係好唔錯㗎啦，雖然問佢2月有咩大日子淨係諗起節分（其他所有人，係包括晒所有男人同女人宧係秒回情人節！），但佢話情人節唔洗收到啲咩嘢禮物，只要女朋友陪係身邊就夠晒，幾sweet丫～～～

可惜而家冇女朋友，希望情人節可以搵到個女朋友咁話～

依對情侶話情人節有活動唔得閒見so sad～不過女仔就話想要食男朋友親手，係呀，係親手整嘅蛋糕，嚇到男朋友吓一聲www

右邊依位姐姐好似唔太情願接受訪問（笑）

「姑且有男朋友，姑且會送朱古力」，同埋想男朋友買蛋糕比自已食～係咁多～

至於依位男生就明確地表示想要耳機，仲已經暗示晒比女朋友聽，希望你真係收到你想要嘅耳機啦哈哈～

btw佢收過最唔想要嘅情人節禮物係…夾咗條頭髮喺入面嘅朱古力！！！會否太噁心啊！

佢話嗰個女仔可能係特登嘅，傳說將自己嘅頭髮同心儀對象嘅頭髮搓堆一齊就可以長長久久…估唔到真係有人會送頭髮…

依兩個單身女仔話唔太想過情人節，去打工就算咩都唔想做～

不過右邊個位女神級日本妹大二時同男朋友分咗手，好慘慘豬，但係白色情人節就同咗第二個一齊！神速！超卓！好厲害！可惜最後都係散咗…情人節都係去打工啦…

依兩個少女係天使心腸～情人節男仔唔記得冇所謂～不過白色情人節就唔可以唔記得咁話～哈哈～

大家都係想食蛋糕，但右邊個位姐姐就話會告白，仲話如果成功就好啦～希望你會成功啦！

btw好多日本女仔都話女仔主動告白係好正常，男女告白比率係一半半，睇嚟高過香港幾多吓～

跟住就到美少女二人組～佢地都話情人節係女仔做主動嘅節日，男仔唔記得都冇所謂～（但係我就好有所謂囉）

情人節想收到男友親手做嘅…漢堡扒同沙律！（睇圖係咪睇唔出）

試過情人節送朱古力比男朋友，但係男友白色情人節嘅時候竟然冇任何表示，見都冇見，最後好快就同佢分咗手（跟住佢笑！！！）好現實啊…

依兩個世紀無賴（講笑）真係不得了…不得了！

1.女朋友唔記得咗情人節嘅話，分手。

2.情人節邊個最快送朱古力比佢就可以做佢女朋友，先到先得。

3.成為佢女朋友之後係即用即棄定係會繼續拍拖係視乎對方係咩人同情人節當日嘅心情。

4.（左）收過最唔想要嘅禮物係朱古力噴泉煲，唔記得自己有dum過，但唔知個煲而家喺邊。

5.（右）收過最討厭嘅情人節禮物係咖啡機，仲話「我去買杯100yen嘅唔好？！」

6.兩個人都想收到名牌禮物，左：名牌銀包；右：勞力士手錶。

7.因為唔想回禮，所以情人節收禮物，白色情人節之前分手，咁就唔洗回禮，yeah。

MIKA總結：因為佢地太賤，所以兩個人都冇女朋友。

佢地諗住情人節去澀谷獵食，大家認住佢地個樣，唔好比人騙財又騙色啊～

最後祝大家情人節快樂，眼科醫院生意興隆～～～～

bye～～