【去大阪買咩手信好? 】最後衝刺「3大必到手信店」!

【去大阪買咩手信好? 】最後衝刺「3大必到手信店」!

去親旅行最頭痕就係要買手信畀一堆親朋戚友同事老細,買大路野又怕畀佢地話冇誠意,但又真係冇咁多時間為各位精心挑選(大佬我係嚟玩唔係嚟買手信),所以最後通常都會手信集中地一次過掃貨,而講到大阪,一定走唔甩有超多手信買嘅「道頓堀」!
 
雖然來來去去都係嗰幾間,但佢地周不時都會入新貨,今次就等小編帶大家一齊走入店入面睇吓最近有咩得意野掃啦!
 
1. Little OSAKA OMIYAGE MARKET
 
【去大阪買咩手信好? 】最後衝刺「3大必到手信店」!
 
嚟大阪又點可能唔買固力果Product做手信!道頓堀店雖然店仔細細,但入面密密麻麻放咗過百款同唔手信,入去行就好似尋寶咁,想搵得意野,就要落足眼力,隨時買到之前未見過嘅手信!唔好以為固力果就一定係買百力滋咁悶,搞鬼造型嘅面模入面都有唔少,係咪手信必買先!
 
【去大阪買咩手信好? 】最後衝刺「3大必到手信店」!
PPAP喺日本仲係好hit,所以呢度都特登將相關Product放喺門口當生招牌,成功吸引到唔少遊客拎上手研究睇吓係乜東東。
 
【去大阪買咩手信好? 】最後衝刺「3大必到手信店」!
【ピコ太郎PPAP Cookie ¥720】呢盒PPAP曲奇一盒有10塊,入面有3個唔同Pattern,最得意係隨餅會附送一支朱古力筆,食之前可以親手幫ピコ太郎美圖秀秀~
 
【去大阪買咩手信好? 】最後衝刺「3大必到手信店」!
【ピコ太郎Face Pack ¥450】呢個面模好棧鬼,成塊面模係ピコ太郎個樣,一敷即刻可以變成ピコ太郎,個表情抵死到睇見都想打佢兩捶!
 
【去大阪買咩手信好? 】最後衝刺「3大必到手信店」!
【Pringles章魚燒味 ¥600】Pringles大家一定有食過,但呢個2016年12月全新推出嘅關西限定章魚燒味你嘅朋友們一定未食過!呢個仲係3罐裝,拆返開可以送畀3個人,好抵!(笑)
 
【去大阪買咩手信好? 】最後衝刺「3大必到手信店」!
【大阪どないやねん!激辛曲奇 ¥580】呢盒曲奇勁啱買返公司做手信齊齊開嚟食,一盒有12塊,其中只有2塊係唔辣,其餘10塊就辣到你飛起,買返去即拆一人一塊睇吓邊個會中招,好好玩。
 
【去大阪買咩手信好? 】最後衝刺「3大必到手信店」!
【柚子酒 ¥440】當日有好多人圍住呢個角,小編當然唔執輸過去睇吓有咩好野買啦!原來就係呢個造型相當可愛嘅柚子酒,圓碌碌成個波咁,就算唔係飲用嚟擺都夠哂靚。(溫馨提示,液體最好寄倉!)
 
【去大阪買咩手信好? 】最後衝刺「3大必到手信店」!
【蛋黃哥面模 ¥400】成塊面模印咗蛋黃哥個樣,一敷即變成蛋黃哥,蛋黃哥粉絲朋友仔收到應該唔捨得用!
 
リトル大阪(ぐりこ・や 道頓堀店)
地址:大阪市中央区道頓堀1-7-21 中座くいだおれビル1階
電話:06-6484-0240
營業時間:10:00-22:00
休息日:無
 
2. いちびり庵
 
【去大阪買咩手信好? 】最後衝刺「3大必到手信店」!
 
要搵呢間「ICHIBIRIAN」好容易,認住門口個四眼哥哥「くいだおれ太郎」實冇錯,因為呢度係全日本唯一一間 くいだおれ太郎嘅Official Shop,所以喺門口已經見到 くいだおれ太郎嘅Product。店內除咗有好多四眼哥哥嘅相關產品,仲有勁多唔同款式同大小嘅禮盒裝手信,加加埋埋有成4000幾個Items,要掃零食送畀人,呢度必到!
 
【去大阪買咩手信好? 】最後衝刺「3大必到手信店」!
【 くいだおれ太郎布甸 ¥1,350】呢個四眼哥哥布甸一罐有3個,每個都用佢頂招牌間條帽裝住,好得意。唔好以為罐布甸有姿勢冇實際,味道都唔錯㗎,食嘅時候將附送嘅焦糖醬同焦糖碎倒上去個布甸度,焦糖苦中帶甜,雞蛋味嘅布甸又夠滑,好食過香港超市買到嗰啲好多!
 
【去大阪買咩手信好? 】最後衝刺「3大必到手信店」!
【 大阪朱古力香蕉 ¥390】東京有Tokyo Banana,嚟到大阪又點可以唔買返盒Osaka Choco Banana。呢盒Osaka Banana一盒有5包,外層啡色嘅其實係朱古力蛋糕,中間包住米黃色香蕉味餡料,一打開個包裝就聞到勁香嘅蕉味,送畀朋友係人都知你去完大阪返嚟!
 
【去大阪買咩手信好? 】最後衝刺「3大必到手信店」!
【盒裝金平糖 ¥540】如果你有朋友鍾意收藏鐵盒或飾物盒的話一定要買嚟送畀佢!小編一見到呢一系列嘅金平糖已經有少少失控,全set 8款都好靚,分別有抹茶、草莓朱古力、鹽、紅酒、焙茶等多種味道,個盒咁靚,當然要掃多幾盒。
 
【去大阪買咩手信好? 】最後衝刺「3大必到手信店」!
【なにわちょろけん芝士及餅乾套裝 ¥540】第一眼睇到仲以為係布甸,原來係芝士嚟,一罐入面除咗有一大舊來自百年老店梅花堂嘅芝士之外,仲有三塊前田製菓嘅克力架餅乾,係呢間舖2016年12月先推出嘅新產品。食嘅時候可以將芝士搽喺餅乾上面食,芝士味道酸酸地,如果有杯熱茶喺手,就係一個完美嘅下午茶!
 
なにわ名物いちびり庵 道頓堀店
地址:大阪市中央区道頓堀1-7-21 中座くいだおれビル1階
電話:06-6212-5104
營業時間:10:00-22:00
休息日:無
 
3. 若葉園本舖
 
【去大阪買咩手信好? 】最後衝刺「3大必到手信店」!
 
雖然呢間店舖並唔喺道頓堀入面,而係位於黑門市場入口處,但由於小編身邊有好多長輩鍾意飲茶,所以今次特登抽咗小小時間過去「若葉園本舖」睇一睇,諗住買啲返去畀大家試吓日本茶嘅滋味。
 
店內嘅茶葉來自静岡同宇治等出名嘅產地,最估唔到嘅係全部都係由店主親自試完再親自入貨,所以品質好有保證,唔使驚會買到假貨。除咗茶類製品,店入面仲有店主自己溝嘅咖啡豆,只此一家,錯過咗就買唔返㗎啦!
 
【去大阪買咩手信好? 】最後衝刺「3大必到手信店」!
【抹茶粉 ¥800~】呢度可以買到唔同級數嘅抹茶粉,圖中嘅抹茶來自「丸久小山園」,右邊嘅長安屬於最高級,級數由右至左依次序排列好,想買咩級數,一睇就知道。
 
【去大阪買咩手信好? 】最後衝刺「3大必到手信店」!
【茶筅 ¥1,200】買完抹茶粉可以考慮埋用嚟攪拌茶湯嘅「茶筅」,一Set咁送畀人夠哂Pro!
 
【去大阪買咩手信好? 】最後衝刺「3大必到手信店」!
【桜茶 ¥300】呢個櫻茶入面唔係茶粉,而係真係一朶朶乾嘅日本櫻花,一盒大概有20朶左右,飲嘅時侯只要放一至兩朶喺杯再加熱水,等到櫻花喺杯入面開花就飲得!
 
若葉園本舗
地址:大阪市中央区日本橋1-16-15
電話:06-6641-5320
營業時間:09:00~18:00
休息日:星期日