【冇理由知道都唔食!】關西足料激正麵包5選

【冇理由知道都唔食!】關西足料激正麵包5選

麵包當中,最鍾意食就係日式咖喱炸包,如果撞正出爐,成個包由內而外都熱辣辣脆卜卜,冬天一路行一路食,真係香到隔離嗰個都要裝吓你食咩咁香!
 
日本好多地方都可以買到熱辣辣香噴噴嘅咖喱包,而除咗咖喱包,其實好多麵包店都會推出只此一家嘅超好味麵包,好似以下呢5個,無論係賣相定味道,都係10分滿分之作!
 
 
1. 咖喱包@Bosyanu
 
【冇理由知道都唔食!】關西足料激正麵包5選
 
「Bosyanu」係一間已經有40幾年歷史嘅麵包店,因為隱身於舊樓地牢,所以基本上除咗係大廈返工嘅人之外,就冇咩人識呢間野。一間麵包店可以屹立咁耐當然有佢嘅原因,最主要除咗價錢低,就係用料非常足,好似招牌咖喱包咁,一搣開個包咖喱醬就湧哂出嚟,啲咖喱仲要係勁濃勁杰,食得出真係真材實料咁熬製出嚟!
 
【冇理由知道都唔食!】關西足料激正麵包5選
炒麵麵包都係日式麵包嘅表表者,真係要去到日本先食到咁好味咁地道嘅炒麵麵包,呢間仲要勁多料,啲炒麵塞滿哂個包,熱辣辣,正!
 
【冇理由知道都唔食!】關西足料激正麵包5選
麵包店喺朝早8點到10點半有早餐時段,一個包加一隻蛋再加杯野飲都只係¥310,勁抵食,平均慳到百幾円,係好多上班族嘅早餐落腳點。
 
ボンシャンヌ
地址:大阪府大阪市北区堂島浜2-1-9 古河大阪ビル B1F
電話:06-6341-6076
營業時間:08:00~18:00
休息日:不定休
 
==============================
2. 果仁粟子包@Tamakitei
 
【冇理由知道都唔食!】關西足料激正麵包5選
 
「Tamakitei」入面最人氣嘅係日本人最愛嘅咖喱包,不過我反而覺得造型同口感都好特別嘅果仁粟子包更加值得一試!
 
呢個包遠遠一眼就會認得,因為面頭鋪滿果仁碎,烤到啡啡黑黑,勁易認。由於有勁多果仁嘅關係,個包口感偏硬,大啖少少咬一咬就會咬到入面嘅粟子蓉,仲有一粒粒嘅粟子肉,食哂成個都幾飽肚!
 
【冇理由知道都唔食!】關西足料激正麵包5選
呢個「十勝コンプレ」係店長嘅推介,用咗北海道產嘅小麥粉去整,口感好煙韌。
 
【冇理由知道都唔食!】關西足料激正麵包5選
無論係室內裝修定係麵包種類都係偏向西式,色香味俱全!
 
たま木亭
地址:京都府宇治市五ケ庄平野57-14
電話:0774-38-1801
營業時間:07:00~18:45
休息日:星期一及二
 
==============================
3. 香蕉朱古力包@MintMint
 
【冇理由知道都唔食!】關西足料激正麵包5選
 
香蕉同朱古力夾係人都知,所以呢個甜品系嘅香蕉朱古力包一定唔會難食。呢間叫做「MintMint」嘅麵包店入面每一款麵包都係全人手製作,用咗日本國產作為原材料,等大家可以食得安心又放心。首推當然係有超多朱古力醬同香蕉喺入面嘅香蕉朱古力包!個麵包皮做得好薄,口感較實同煙韌,食完一次真係好容易會上癮!
 
【冇理由知道都唔食!】關西足料激正麵包5選
包款久唔久會轉吓款,好似呢個勁厚嘅雞蛋三文治就唔係日日都食到。
 
【冇理由知道都唔食!】關西足料激正麵包5選
店入面總共有20幾款包,鍾意煙韌口感的話一定要買返個試吓!
 
天然酵母ベーグルMintMint
地址:大阪市生野区桃谷1-10-20
電話:080-3030-4047
營業時間:09:00~售罄
休息日:星期一、五、日及公眾假期
 
==============================
4. 泰式炒麵麵包@Route271
 
【冇理由知道都唔食!】關西足料激正麵包5選
 
日式炒麵麵包就見得多,泰式炒麵麵包真係第一次見!可以食到咁惹味嘅泰式炒麵麵包嘅就係呢間「Route271」,店入面勁細,得一個4層嘅麵包架,不過都夠㗎啦,因為個個包評價都好高,要揀食邊個都有啲頭痕。
 
如果第一次嚟可以試咗最有特色嘅泰式炒麵麵包,炒麵嘅味道比一般日式炒麵嘅味道更加豐富,仲可以揀豚肉或大蝦風味,食都食得豪過人!
 
【冇理由知道都唔食!】關西足料激正麵包5選
啲牛角包都做得好好,入面好鬆軟,又唔會油淋淋。
 
【冇理由知道都唔食!】關西足料激正麵包5選
間舖都幾細,入面企多幾個人就要講唔該借借。
 
ROUTE271 梅田本店
地址:大阪市北区芝田2-3-2-1F
電話:06-7183-0366 
營業時間:11:00~20:00
休息日:不定休
官網:route271.jp
 
==============================
5. 螺旋麵包塔@Boulangerie
 
【冇理由知道都唔食!】關西足料激正麵包5選
 
呢個好明顯係畀佢勁似異型嘅外表吸引咗!「Boulangerie」算係比較新嘅麵包店,喺今年2月先開,本身冇咩好特別嘅麵包,不過自從推出咗呢個足足有15cm高嘅螺旋麵包塔之後,就開始多人識咗,慢慢大家亦發現除咗呢個異型包之外,其他包原來都唔錯!
 
唔好以為個包得個樣,口感同味道整體都做得幾好,外面做得好脆口,入面就唧滿咗吉士醬,係好經典嘅螺旋麵包味道。
 
【冇理由知道都唔食!】關西足料激正麵包5選
麵包櫃陳列咗好多唔同款式嘅麵包,當中以甜系麵包佔大多數。
 
【冇理由知道都唔食!】關西足料激正麵包5選
店長嘅推介係呢個足足夠3個人食嘅超巨型麵包,因為以低溫熟成嘅方法去整,所以口感好軟糯。
 
ブーランジェリー ロア
地址:大阪府大阪市天王寺区真田山町2-9 1F
電話:06-6718-6073
營業時間:08:00~20:00
休息日:星期一