熱烈地彈琴熱烈地唱～～～～今日香港終於都玩到POKEMON GO，實在係可喜可賀、恭喜恭喜～～～
依個game真係唔惹少，好多長年屈係屋企入面嘅毒毒門都出晒山捉小精靈，真係攣都變返直！
與此同時，好多人都趁住依陣POKEMON熱潮，將自己珍藏多年嘅小精靈精品放晒上身，表明自己訓練員嘅身分，萬一唔小心出現阻街嘅情況，都比路人知道「請等等，我繽紛樂緊！」
所以今日mika就唔同大家玩live捉POKEMON，而係去而家搞緊夏祭特別活動嘅《POKEMON CENTER》入貨！
不得了…好多公仔啊！係咪好想帶晒佢地返屋企呢！
今個夏日真係超級熱辣辣！依隻海灘版比卡超都係新鮮出爐㗎～～～～
卡比獸唔係食就係訓，同我好夾喎～～～而且佢嘅XXXXXL SIZE都同我好夾……
天啊！依隻真係勁勁勁可愛啊！係Mika最想買嘅頭幾位！
另外鎖匙扣仲有好多款㗎！
喂大佬點解中間?隻比卞超疑似崩壞！嗯角度問題啫！（應該係）
落街捉POKEMON個陣揹住依個散紙包仔就冇得輸！
著埋件T-Shirt加外套……
再加埋個OUTDOOR 袋，先冇失訓練員嘅身份！
話時話，如果我一早就買咗個電話殼……我個電話就唔會爛到咁……
（唔知嘅朋友可以睇返我玩POKEMON GO個LIVE哈哈哈）
右邊依個情侶貼紙好靚啊！不過首先你要有個……
唉Mika就用唔著啦sosad！
作為一個文具大國，任何公仔都可以出到好多款嘅文具！POKEMON就緊係唔例外啦～
膠紙同貼紙真係好難揀（哭哭）
仲有啲成大隻公仔係筆頂嘅公仔筆！記得細個好鍾意用，不過寫寫下覺得太重，結果用暴力拆咗個公仔出嚟哈哈～
一舨我都好少買卡通餐具……喂大佬仲細咩？
不過……咦？點解POKEMON啲餐具咁靚㗎！！！買！
左邊紅色依個真係超歡樂超得意啊！
喼套！係機場拎住依個真係好威威啊～～～不過手把個位好似比人打穿咗個窿咁> <好想幫佢貼返條膠布！
POKEMON STORE仲有得整200yen1個限定版金幣～～～好有紀念意義啊～
對唔字，講咗成大輪都未講到7月23至9月4號嘅星期六、日同公眾假期有咩夏祭特別活動㖭！
首先就係有比卡超出嚟同大家見面啦～而且店員仲會著晒夏祭特別服裝，好有氣氛啊！
而家已經有夏祭主題特別產品買啦！啲公仔同鎖匙扣都好吸引！
另外仲有啲限定商品都會係夏祭期間販賣！隻比卡超耳仔同tote bag同T shirt都冇理由唔買囉！
我想戴住依隻耳仔去捉POKEMON哈哈哈～
大家如果依排嚟日本嘅話，就不妨去POKEMON CENTER/POKEMON STORE睇下夏祭最新商品啦！！！
官網在此～～～
最後我想同大家分享吓我POKEMON GO嘅進度……
話說今日我終於都見到隻CP唔只係10嘅菜鳥，咁我就高高興興咁去捉啦！
嘩點知依隻隻望落樣衰衰咁，個殼仲鬼死咁硬，係咁將我華麗轉身後拋出嘅超速傳說旋轉精靈球擋開……
最後…我諗我同各種花式加埋擲咗10次咗右啦，當我諗住：下一次一定捉到嘅……個陣，
我發現！我！冇！晒！精！靈！球！WHAT___?!?!?!?!
菜鳥mika依個名真係唔係浪得虛名。
報告完畢。
多謝收睇。
About Post Author
