NIKON迷注意:直擊東京NIKON博物館

成立於 1917 年 7 月 25 日嘅世界知名相機品牌NIKON將於2017年踏入100週年,為左迎接呢個重要嘅日子,NIKON係日本設立左一個博物館,岩岩係2015年10月17日開放,而且參觀費用全免!NIKON迷必定要去呀!!​

地址:日本東京都港區港南 2-15-3 品川城際大廈 C 座 2 樓


由 JR 品川站港南口出口步行約 7 分鐘即可到達。


門口位置,簡約低調。


場內有一部份位置不可拍照錄影,主要都係有影片播放嘅地方。


博物館有很多不同展區,但整個地方不是很大,佔地 580 平方米。


整個博物館最吸睛的位置相信就係左手邊嘅相機展示櫃,展示左由1948年第一部始祖相機到而家新出嘅相機,總共有約450部,可以話係相當壯觀!

而博物館當中亦有好多小劇場及小遊戲,當中有一段影片播放着NIKON一百年嘅發展故事,睇完之後令我更加欣賞NIKON呢個品牌。
但礙於影片及所有互動區都不可以拍攝嘅關係,所以就比唔到大家睇。


NIKON 博物館除左展示相機技術之外,亦都有展示其他產業如工業相關器材科技,天文望遠鏡及醫學顯微鏡。


呢個係號稱全球最大嘅合成石英玻璃鑄模。
NIKON嘅合成石英玻璃鑄模象徵光學物料生產科技的核心要素,呢項科技係專為頂尖半導體平板印刷系統而研發。 除此之外,呢個合成石英玻璃鑄模亦都係NIKON博物館的專屬標誌。

雖然博物館免費入場,但身為NIKON迷嘅你行完博物館一定會放低彈藥,因為館內有商店可以購買NIKON紀念品,而最唔能夠錯過嘅一定係NIKON啤牌,可以見到上圖啤牌每一塊都係NIKON唔同型號嘅相機,非常有收藏價值呢!

NIKON博物館
地址:日本東京都港區港南 2-15-3 品川城際大廈 C 座 2 樓
交通:由 JR 品川站港南口出口步行約 7 分鐘/亦可從京急鐵路品川站步行 10 分鐘前往
開放時間:上午 10:00 - 下午 6:00 (最後入場時間為下午 5:30)
休館:星期日、日本全國假期及博物館所訂的其他休假日暫停開放
入場費:免費入場
聯絡電話號碼:+81-3-6433-3900  
傳真號碼:+81-3-6433-3901