等到頸都長,日本第3列寢台遊輪列車,JR西日本嘅黃昏特快瑞風號(以下簡稱瑞風),尋日都公佈咗運行資料同收費喇!
 
咁車長介紹吓先呢列車瑞風先:
瑞風,全名係トワイライトエクスプレス瑞風(黃昏特快瑞風),係日本第3列車寢台遊輪列車,係屬於JR西日本嘅娛樂型臨時臥舖特急旅客專用列車。
 
第1列寢台遊輪列車係JR九州嘅ななつ星in九州(七星號)
 
第2列寢台遊輪列車就係JR東日本嘅TRAIN SUITE 四季島
 
家下只有七星號行駛中。因為四季島都要下年先正式載客,有機會車長會講講!
3列寢台遊輪列車都係針對日本國內同亞洲嘅金字塔頂級客層為對象,以套裝旅遊行程銷售,並唔會單賣車飛!
而黃昏特快瑞風就係承繼咗以前行走大阪至札幌嘅臨時臥舖特急列車黃昏特快號嘅血統。
 
黃昏特快因為北海道新幹線嘅工程而停駛。舊有嘅黃昏特快列車家下放左入去今年開嘅京都鐵道博物館收藏展出!
 
 
列車命名為瑞風號,係結合咗“受到吉祥洗滌嘅風”。此外亦代表水稻豐盛嘅“瑞穗之國,日本”。
列車只有1列共10卡,車内暫時就無實相,但車長搵到有平面圖,咁介紹吓車内先!
 
10號車,最前面有個展望台,係可以行出去㗎!
 
 
 
2,3,8及9號車箱,毎個車箱都有3間Royer Twins房。
 
 
 
7號車箱,呢卡車箱只得一間The Suite房,係日本最豪華嘅寢台房間,仲可以加床,容納4個人!
The Suite房設有浴室(仲有浴缸),睡房,客廳,獨立廁所同小型露台。真係豪華到爆!!
 
浴室
 
睡房
 
客廳
 
 
 
6號車箱就係廚房同餐卡。
 
5號車箱就係Lounge car,休息室車,有酒吧!
 
 
 
4號車箱,車箱都有1間Royer Twins房(可以入輪椅,所以係大少少)同2間Royer Single房,Royer Single仲可以加床,毎間容納2個人!
 
 
 
1號車,最前面都有個展望台,同様係可以行出去㗎
 
 
 
同JR九州七つ星及JR東日本四季島不同,瑞風嘅行程比較彈性啲!
係可以坐單程!
 
 
行程1:山陽線去程2日1夜
1日目:京都駅・大阪駅 → 倉敷駅 → (車入面過一晩)
2日目:→ 岩国駅→ 下関駅
 
行程2:山陽線回程2日1夜
1日目:下関駅 → 宮島口駅 →(車入面過一晩)
2日目:→ 尾道駅 → 大阪駅・京都駅
 
行程3:山陰線去程2日1夜
1日目: 大阪駅・京都駅 → 城崎温泉駅 → (車入面過一晩)
2日目:→ 東萩駅・萩駅 → 下関駅
 
行程4:山陰線回程2日1夜
1日目:下関駅 → 出雲市駅 → (車入面過一晩)
2日目:→鳥取駅 → 京都駅・大阪駅
 
收費就分3個等級
以毎個人收費計
Royer Twins:270,000円 間房係2人共用,即係要540,000円(毎班有十三間房,位於2,3,4,8及9號車箱)
Royer Single:330,000円(毎班只得二間房,位於4號車箱)
The Suite:750,000円 間房係2人共用,即係要1,500,000円(毎班只得一間房,位於7號車箱),仲要係一卡車一間房,係日本最豪華嘅寢台房間)
9月嘅收費就毎個人另加多30000円
 
而第5個行程就係集合山陽及山陰嘅來回行程,喺西日本地區行一個圏
 
行程5:山陽及山陰一圏3日2夜
1日目: 京都駅・大阪駅 → 岡山駅 → (車入面過第一晩)
2日目:(車内泊)→ 宍道駅・松江駅 → (車入面過第二晩)
3日目:(車内泊)→ 東浜駅 → 京都駅
 
收費一様分3個等級
以毎個人收費計
Royer Twins:500,000円 間房係2人共用,即係要1,000,000円(毎班有十三間房,位於2,3,4,8及9號車箱)
Royer Single:620,000円(毎班只得二間房,位於4號車箱)
The Suite:1,200,000円 間房係2人共用,即係要2,400,000円(毎班只得一間房,位於7號車箱)
9月嘅收費就毎個人另加多50,000円
 
 
出發日子如下:
行程1:山陽線去程2日1夜出發日:6月24日、7月8日、8月5日同9月9日
行程2:山陽線回程2日1夜出發日:6月26日、7月10日、8月28日同9月25日
行程3:山陰線去程2日1夜出發日:6月17日、7月1日、7月22日同9月16日
行程4:山陰線回程2日1夜出發日:6月19日、7月3日、7月17日同9月4日
行程5:山陽及山陰一圏3日2夜出發日:6月21日、7月5日、7月12日、7月19日、8月2日、8月30日同9月13日
 
參加方法:
各旅程毎班車可以坐最多34個客,有興趣的話可以係16年12月5日上午10點至17年1月31日下午5點半喺黃昏特快瑞風號網站登記參加。
如果超額登記參加的話,將會喺2月左右抽籤。
 
瑞風瑞風,車長我中咗六合彩頭2奬的話會黎坐你㗎喇!!!等我呀!