《JoJo的奇妙冒險》第四部 真人版電影正式公佈演員名單!

日本華納兄弟公司剛剛舉行記者會宣布將會拍攝真人版電影、荒木飛呂彦經典神作《JoJo的奇妙冒險》第四部「不滅鑽石」,並公佈咗導演同演員名單。
 
 
JOJO系列漫畫銷量累計9千萬部,自1987年起開始連載,屬於唔少少年漫畫迷心目中嘅神作。今次電影版搵嚟《鬼來電》、《要聽神明的話》著名導演三池崇史執導。第四部嘅舞台本來設定係以仙台為形嘅虛擬城市:1999年日本M縣S市杜王町,不過導演表示會係西班牙取景,呈現一個美麗嘅杜王町畀觀眾。

 

演員名單:
 
東方仗助 山﨑賢人

広瀬康一 神木隆之介
山岸 由花子 小松菜奈
虹村形兆 岡田将生

虹村億泰 真剣佑

片桐安十郎 山田孝之

空条承太郎 伊勢谷友介
 
如果有睇JOJO都知第四部都算長,今次電影Title叫『ジョジョの奇妙な冒険 ダイヤモンドは砕けない 第一章』,導演話希望大家淨係睇今次嘅故事都會感受到JOJO嘅魅力,希望可以繼續為大家帶嚟JOJO嘅樂趣,所以今次嘅故事只會係第四部嘅「第一章」...只係應該唔會見到胖重、杉本鈴美、亦當然唔會見到露伴老師同吉良吉影...啦。