AV實景拍攝場地・中野「万喜」居酒屋

之前曾經同大家介紹過日本AV嘅拍攝場景。除咗搭建嘅佈景之外,其實佢地仲有去唔同嘅實景進行拍攝。(回顧文章按此
 
今日就同大家去到一間位於中野,叫做「万喜」嘅居酒屋感受下啦。
 
▼今日我地要找尋嘅就係呢個被借作拍攝AV《微醉Sex》嘅居酒屋。
 
 
▼係中野北口一出向前行就可以見到商店街。
 
 
▼一直行到中野百老匯嘅門口前面左轉進入小巷。
 
 
▼望到呢個咁搶眼嘅「万喜」紅燈籠就啱啦。
 
 
▼不過一眼望入去…死啦,點解咁細間嘅?說好的AV場地哩?
 
 
▼本以為搵錯地方,好彩本住打不死嘅精神問下,原來佢仲有二樓位置。
 
 
▼我地去個陣全場爆滿,咁啱俾我地坐到最後一張枱。
 
 
▼既然到咗,為證明係同一個地方梗係要黎個大比對。認住佢個窗、衣架同背景木紋。
 
 
▼留意地下坐墊同餐桌。
 
 
▼呢個就係拍攝時期嘅居酒屋環境喇。
 
 
▼而我地去到個陣,相信已經稍為翻新,但衣架同窗都係沿用之前嘅風格。照片上顏色雖然有差異,但係認得出佢係拍攝場景。
 
 
▼仲有被保留落黎嘅有呢張舊款海報。
 
 
▼事件曝光之後,好多日本網民都好震驚。仲留言話個度好污糟,驚佢地d嘅汗水會噴曬哂落食具上面,變相加料。
 
 
▼身為特派專員,我就幫大家實地考察一下佢嘅衛生指數係點啦,結果係非常滿意。座墊全部都好新,而且亦都同AV入面嘅唔同款。
 
 
▼碗碟我都幫大家檢視過,非常乾淨,唔駛擔心會被加料
 
 
▼撇除AV部分,其實呢間居酒屋係區內都算出名。好似我閒日夜晚去遲一步都無位坐,走嘅時侯已經有人等緊。
 
 
▼係開咗超過三十年嘅老字號。
 
 
▼而且佢仲不時有優惠,好似當日就有即場派嘅Coupon,可以用500円換到一杯啤酒同3串串燒。另外十串嘅串燒併盤都只係980円,算幾抵。食物方面味道都非常唔錯,係某啲串燒稍為偏鹹,重口味嘅人仕就啱晒啦。
 
 
後記:知道自己身處曾經拍過AV嘅地方用餐,有種奇妙嘅感覺。現場環境亦唔算好大,好好奇當初攝製隊係如何完成整個拍攝,呢樣就靠你地自行FF喇 
 
認真Mode如果好似我咁行中野行到佢收晒鋪又唔知食咩好,都不妨黎呢間居酒屋試試。唔單只食物同價錢OK。重點係非常地道,顧客全部都係日本人,想好好體驗當地人嘅生活做個偽・日本人都係一個唔錯嘅選擇。
 
 
【‪居酒屋 万喜】
地址:東京都中野区中野5-52-4
時間:18:00~24:00
電話:050-5815-7733
*只收現金*