47都道府県絕世景點排名!!

有人同我講過,話佢去日本去到悶。我即刻反白眼反到去後腦!梗係啦你班友仔去日本遊黎遊去都係東京大阪,點會唔悶呀?而家我就要教你去下其他地區闖蕩下啦!以下呢10位就係日本網站選出黎,勁正但又唔係太多人熟悉嘅景點,就等我話比你地知有D咩新鮮野可以去,尋獲下初戀一樣嘅新鮮感啦!
 
第10位係北海道.札幌SKYクルージング(航遊)
 
嘩嘩嘩航遊咁大陣仗?無錯就係咁大陣仗!原本之前其實已經有直升機遊覽嘅服務,但最近就加左小型飛機tim!用呢個航遊嘅話,你可以將好出名的札幌市內景點,好似大通公園嘅札幌電視塔,藻岩山,大倉山jump競技場等等一次過盡收眼簾!好爽皮呀!
如果有興趣可以上官網睇下詳細資料:http://www.hokkaido-koku.co.jp/skycruising.htm
 
第9位係新潟縣・アパリゾート上越妙高イルミネーション(上越妙高燈飾)
 
呢個燈飾行頭犀利咯!佢喺2015年6月被傑尼斯世界紀錄認定為世界最大的燈飾!係咪聽到都覺得好威威呢?咁威就梗係要去睇下啦。咁到底有幾大?佢嘅面積係有成500萬平方米呀!!即係成120個東京巨蛋咁大呀!而所用黎裝飾嘅LED燈總共有153萬個,就係呢個數字破左傑尼斯紀錄啦!
如果有興趣可以上官網睇下詳細資料:http://www.apahotel.com/illumination/
 
第8位係三重縣・ナガシマスパーランド(遊樂場)
 
呢個樂園入面有個玩完包你爽幾日嘅機動遊戲,佢叫做「アクロバット」,有咩特別呢?囂識講,自己睇。
 
 
如果有興趣可以上官網睇下詳細資料:http://www.nagashima-onsen.co.jp/acrobat/
 
第7位係沖縄縣・テダ御川(天空之鏡)
 
位於沖縄嘅呢個景點,係一個距離那霸機場一個鐘車程嘅隱世景點。喺果個被岩石包圍住嘅海岸,如果你喺晴天,風平浪靜嘅日子而又潮脹嘅時候就會好大機會睇到日本版天空之鏡啦!
如果有興趣可以上呢個網睇下詳細資料:http://oday.okinawa/area/tedaukka
 
第6位係岡山縣・備中松山城
 
頭先就天空之鏡,而家呢個就係天空之城。吳若希mode:點解嘅點解嘅?因為佢呢個城係建喺480米高嘅臥牛山山頂,係現時日本最高嘅城山。而喺9月至2月左右,只要你喺備中松山城展望台望出去,就可以見到呢個雲海飄浮於半空嘅絕世景色!但要注意佢大概係清早至到早上9點先睇到,想睇嘅記得早D起身啦。早起的鳥兒有蟲吃啊!而最推介就係11月果時去,因為果時正值紅業時期!
如果有興趣可以上呢個網睇下詳細資料:http://www.city.takahashi.okayama.jp/soshiki/9/shiro4240131.html
 
第5位係千業縣・九十九里
 
九十九里係一個地方黎,果到有條長66公里嘅海岸線,係出名於沖浪聖地嘅。但而家唔係叫你去沖浪,而係上年年尾開始有一個好有意景嘅體驗提供比觀光人士!佢就係騎馬啦!騎馬都可以好鬼浪漫好有詩情畫意嫁,你睇下D相就感受到嫁啦!
如果有興趣可以上呢個網睇下詳細資料:http://sotoasobi.net/activity/horse-trekking/3/12/23/36
 
第4位係神奈川縣・新江ノ島水族館
 
呢個水族館唔同一般嘅水族館,佢嘅賣點係「晚上的水族館」。喺夜晚果時,就會有唔同嘅3D投影到大水槽果到,令遊客感受有別於其他水族館嘅感覺。好靚啊!
如果有興趣可以上呢個網睇下詳細資料:http://www.enosui.com
 
第三位係山梨縣・新倉山淺間公園
 
新倉山淺間公園最最最正嘅一樣野,就係佢係日本唯一可以同時見到富士山同五重塔(京都)呢個絕景嘅公園!想睇呢個絕景嘅話就係喺公園入口附近,上條400級嘅樓梯就會見到五重塔,喺果到轉個靚彎就見到嫁啦!
如果有興趣可以上呢個網睇下詳細資料:http://tokutoku.bitsweet.org/kankouchi/yamanasikankouchi/fujiyosidahoka/...
 
第二位係鳥取縣・鳥取砂丘
 
呢個就勁咯!佢完全係另一個南極咁嘅樣!喺冬天果時,你可以見到一大片白色沙漠!!Oh my god點解會咁靚?雪,天空同海嘅對比就喺我眼前,好難相信日本有D咁嘅景色!大自然果然係偉大嘅!
如果有興趣可以上呢個網睇下詳細資料:http://www.tottori-guide.jp/tourism/tour/view/6
 
第一位係栃木県・あしかがフラワーパーク(花花公園)
 
呢個花花世界係被CNN認可,選為世界最想去的10個地方,日本唯一入選嘅公園黎嫁!而且佢係好難得四季都有花睇嘅地方,大家唔洗怕話就唔岩期而睇唔到花lu!救命,D相靚到我好想工都唔番飛去睇!!!
如果有興趣可以上呢個網睇下詳細資料:https://www.ashikaga.co.jp