【2016年「今年の一皿」】唔係人人都頂得順嘅「芫茜料理」

【2016年「今年の一皿」】唔係人人都頂得順嘅「芫茜料理」

日本每年都好鐘意去選樣野為嗰年做個圓滿嘅總結,好似之前有「今年の漢字」,最近喺日本數一數二嘅食評網就選咗「芫茜料理」做「今年の一皿」。
 
【2016年「今年の一皿」】唔係人人都頂得順嘅「芫茜料理」
 
睇到呢度,可以已經有一大個問號出咗嚟。「芫茜」無端端點會當選咗「今年の一皿」?當選咗咁又點(係咪見到佢要say個hi?(´∀`*)ノ)?原來當選真係有準則㗎喎!
 
首先呢道料理要係嗰年好hit,唔單止要hit到成為熱門話題,仲要對後世有持續嘅影響價值。芫茜自古以來只係擔當住調味同配菜嘅角色,但最近呢一年,有唔少餐廳都用佢嚟做主角炮製料理,好似「芫茜沙律」、「芫茜鍋」、「芫茜調酒」、「芫茜甜品」等等,順利成章地令芫茜上位兼坐正!
 
【2016年「今年の一皿」】唔係人人都頂得順嘅「芫茜料理」
 
而跟據非正式統計,喺日本1億2693人入面,竟然就有8000萬個熱愛芫茜嘅fans,仲特登為呢班人起咗個新稱號,叫佢地做「Pakuchinist(和式英語唔識串(*´Д`*))」,可以睇得出芫茜喺日本真係有好大嘅影響力!

 
芫茜嘅味道非常濃烈同獨特,愛佢嘅人餐餐勁食都會覺得唔夠皮,但討厭的話就連落一片仔葉都會覺得佢污染咗整道料理。以下嘅幾間餐廳都可以食到賣相同味道都充滿驚喜嘅芫茜料理,對你嚟講到底係美食定係惡夢!?
 
1. 純度100%芫茜担担麵@豪快(東京)
 
【2016年「今年の一皿」】唔係人人都頂得順嘅「芫茜料理」
 
喺偶然機會下發現咗呢間可以食到爆多芫茜担担麵嘅料理店,仲聲稱純度100%,緊係要即刻入去試啦!一入到去,午飯時段竟然可以一個客人都無,伏味有少少濃,但唔入都入咗,無理由就咁出返去㗎,唯有硬住頭皮點返碗試吓。
 
碗面嘅賣相同一般嘅担担麵分別不大,只係多咗一大執新鮮芫茜,吼埋啲聞吓成碗野係堅香㗎喎!食嗰陣可以將肉碎、麵、芫茜、特製醬汁先撈勻,咁就啖啖都食到芫茜嘅味道喇!
 
【2016年「今年の一皿」】唔係人人都頂得順嘅「芫茜料理」
芫茜狂熱份子見到呢個牌仲忍到唔衝入去!?
 
【2016年「今年の一皿」】唔係人人都頂得順嘅「芫茜料理」
個担担麵本身已經好好食,麵夠彈牙,湯汁又夠濃夠杰,加埋芫茜就更加香口!
 
【2016年「今年の一皿」】唔係人人都頂得順嘅「芫茜料理」
食到尾呢啲先係精華!每一條芫茜都吸滿担担麵湯汁,芫茜fans睇見就留哂口水!
 
【2016年「今年の一皿」】唔係人人都頂得順嘅「芫茜料理」
就係呢間拉麵屋,雖然客人唔多,但啲野食真係唔差。
 
らーめん屋 豪快
地址:東京都渋谷区笹塚1-56-2
電話:03-3378-5798
營業時間:11:20~01:00
休息:無
 
==============
2. 芫茜濃湯絕配拉麵@卍力(東京)
 
【2016年「今年の一皿」】唔係人人都頂得順嘅「芫茜料理」
 
比起食冷麵,熱湯更加能夠將芫茜獨有嘅香氣迫出嚟,而為咗唔畀芫茜搶奪湯底味道,呢度特登將湯底調濃,但又唔會蓋過芫茜嘅味道,個Balance做得好好!可能係個湯底嘅關係,呢個麵芫茜味唔算太重,唔係好鍾意食芫茜的話應該都可以挑戰一下。
 
【2016年「今年の一皿」】唔係人人都頂得順嘅「芫茜料理」
個湯勁濃勁深色,唔講仲以為係咖喱湯底。
 
【2016年「今年の一皿」】唔係人人都頂得順嘅「芫茜料理」
佢地選用咗稍粗嘅拉麵,掛湯效果唔錯!
 
【2016年「今年の一皿」】唔係人人都頂得順嘅「芫茜料理」
呢個咖喱叉燒飯唔關芫茜事,不過好好味,除咗拉麵,呢個都係必試!
 
【2016年「今年の一皿」】唔係人人都頂得順嘅「芫茜料理」
門面裝修黑媽媽好神秘,企喺門口已經好似有股力量引誘你入去咁。
 
卍力
地址:東京都江戸川区西葛西3-16-5 スワームマンション 1F
電話:03-6848-1346
營業時間:11:30~14:30、17:00~21:30
休息:星期三
官網:www.manriki.net
 
==============
3. 青bb芫茜炒飯@GoGoパクチー(大阪)
 
【2016年「今年の一皿」】唔係人人都頂得順嘅「芫茜料理」
 
呢間餐廳犀利啦,係大阪極度少見嘅芫茜料理專門店,入面有成近50款以芫茜為主角嘅料理,芫茜粉絲仲唔開心死!呢度嘅芫茜由日本國內4間唔同農家直接入貨,保證超級新鮮,一入口就食得出佢嘅分別,真係唔同啲!必試成個都青bb嘅芫茜炒飯,用咗特製芫茜醬將每粒飯都炒至青色,入口想冇芫茜味都幾難!
 
【2016年「今年の一皿」】唔係人人都頂得順嘅「芫茜料理」
新鮮芫茜就咁食勁多汁咇出嚟,食完唔夠可以請店員幫你再加!
 
【2016年「今年の一皿」】唔係人人都頂得順嘅「芫茜料理」
芫茜Mojito都有,問你怕未!
 
【2016年「今年の一皿」】唔係人人都頂得順嘅「芫茜料理」
芫茜唔單止可以用喺小菜入面,原來用埋嚟整甜品都完全冇問題,好清新。
 
GoGoパクチー
地址:大阪府大阪市中央区博労町4-7-3 T3SHINSAIBASHIビル B1F
電話:06-6251-5892
營業時間:17:30~23:30(L.O 22:30)
                   星期二 11:30~14:30、17:30~23:30(
休息:星期一及其他日子不定休
官網:gogopaxi.com