2016日本下半年煙火大會推介!

2016年已經過咗一大半啦!唔知大家有冇參加過日本嘅煙火大會呢?煙火大會通常夏天最多,如果大家miss咗之前嘅煙火大會唔緊要,以下介紹8個即將開始(最快2016年8月27~)嘅煙火大會,去日本嘅你唔好錯過啦!
 
1. 全國花火競技大會「大曲花火」
大曲全國花火競技大會,係日本最權威亦係規模最大嘅花火表演大賽,比賽精彩程度同所放煙花嘅數量係日本全國範圍首屈一指嘅大會。花火會場位於雄物川右岸河川,會場對岸嘅姫神山同福伝山,為夏日嘅花火之夜提供咗優良嘅天然舞台。
 
主會場:大仙市雄物川右岸河川(大曲橋下流)
舉辦日期:8月27日
交通方式:從JR大曲站出發,徒歩30分鐘
祭典規模:約1萬8千發煙火
 
2. 熱海海上花火大會
一年四季分4次舉行,最大嘅特點係放煙花時,會接連不斷咁將花火放上夜空,將成個天空都包裹喺金同銀嘅顔色入面。熱海灣三面環山,煙花嘅巨響徘徊群山之間,實在震撼。
 
主會場:熱海灣
舉辦日期:7﹣9月、12月
交通方式:從熱海站徒步15分鐘即可到達。
祭典規模:每次約5千發煙花
 
3. 洞爺湖花火大會
日本國內規模最大嘅長期花火大會。由4月28日到10月31日,每晚都會有450發嘅煙花飛舞喺洞爺湖嘅上空。煙花會喺湖面嘅船隻上面放,所以成條溫泉街嘅旅館同露天風呂入面都可以睇到,所以特別受到遊客嘅青睞。
 
主會場:洞爺湖溫泉街的湖畔
舉辦日期:4月28日~10月31日 每夜20點45分~21點05分
交通方式:從JR洞爺湖站乘坐巴士約20分鐘到洞爺湖溫泉站下車,
徒步5分鐘即可到達。
祭典规模:毎日約450發
 
4. 浅原神社秋季例大祭奉納大煙火
經金氏世界紀錄認證嘅世界最大「四尺玉」直徑約120公分、可以放上約800m高空,並綻放出直徑約800公尺嘅超大煙火,輕瀉而下嘅煙花就好似就快掂到地面咁,近距離嘅震撼一定令觀眾回味無窮。
 
場地:長岡市浅原神社
日期:9月9~10日
時間:19時30分~22時20分
 
5. 伊勢崎市花火大會
音樂同步嘅煙火大會,西部公園特設嘅音響設備配搭煙火盛會,好似繁星滿天咁嘅煙火,令現場觀眾體驗到具震撼力嘅煙火大會。
 
場地:群馬縣伊勢崎市-西部公園、仮称Sport廣場、伊勢崎Autorace場
日期:2016年9月10日 18:30~19:30
交通:JR両毛線・東武伊勢崎線「伊勢崎駅」下車 徒歩約15分
 
6. 九州一花火大會
喺長崎縣佐世保市豪斯登堡隆重上演嘅夏季大型花火盛典!盛典分爲兩部分,第1部分係世界各國花火師嘅決賽;第二部分,係非常罕見同珍貴嘅花火,仲有各種大型花火嘅競相綻放!佐世保市嘅豪斯登堡係歷來以唯美嘅建築風格同迷人四季嘅花卉聞名於世,而呢個花火大會係夏季豪斯登堡最受人歡迎嘅節目!
 
主會場:豪斯登堡内
舉辦日期:9月24日 18點45分~21點15分
交通方式:JR豪斯登堡站下車直達
祭典規模:約2萬發煙火
 
7. 土浦全國花火競技會
呢個煙火大會排名好高,亦係首屈一指可以俾全日本煙火業者競爭比美嘅傳統煙火大會。而佢距離東京亦唔遠,算係方便前往嘅一個。
場地:桜川畔(学園大橋附近)
日期:10月1日 18時~20時30分
交通:JR常磐線土浦駅下車
 
8. 藤沢江之島花火大會
花火大會以江之島為背景,喺神奈川縣藤沢市的片瀨海岸隆重上演。除咗有常見煙花品種,仲可以欣賞到如流星般綻放嘅傘裝煙火,令秋日嘅夜空閃閃生光。
 
主會場:片瀬海岸西浜
舉辦日期:10月第三個周六(2016年舉辦日期尚未公佈)
交通方式:從小田急片瀬江之島站徒歩2分鐘,
從江之島電鉄江之島站徒歩5分鐘,即可到達。
祭典規模:約3千發煙火
 
如果你都鍾意睇煙花,就千祈唔好錯過以上煙火大會啦!