【2016夏季】東京8大必買藥妝!

今次去東京行咗好多間藥妝店,發現咗好多新嘢同排行榜名物!其實每次行藥妝品店我都會俾一啲排行榜嘅產品吸引咗,今次都一樣(話唔買跟住去到日本又忍唔到手嗰啲),一齊睇下有啲咩新嘢啦!
 
1.【ION de CUSHION 3200円】
日本Flow Fushi 今年新品氣墊粉餅,包裝十分吸引,日本製感覺好安心。佢有兩種㗎,分別係遮瑕同自然系列,再可以因應自己嘅膚色揀度數,仲有補充裝!呢一款幾乎每間藥妝店都有,連驚安殿堂都有賣。
 
 
2.【Lucky Wink 洗顏波波 680円】
呢個洗顏波波係喺LOFT入面發現嘅,我仲買咗個試用!佢一拎出黎係凍冰冰,滑溜溜,用來洗面雖然唔係話即刻Feel到皮膚滑咗,但個波波掂落塊臉好舒服,洗完塊臉都好乾淨!睇上面指引係話可以袪角質、清除毛孔污糟嘢嘅好幫手!
 
 
3.【White Conc 美白沐浴露 1000円】
夏天出街總係容易曬黑,所以見到美白產品都係會心心眼!今次見到呢個係Cosme Store排行榜第三位嘅White Conc,佢係美白沐浴露,成分有日本藥用美白維他命C,天然橘子清香,又有美白保濕。我就買咗嚟試,佢係好香柚子檸檬香味,效果就未睇到,但沖完都幾舒服~~~
 
 
4.【去角質綿棒 880円】
呢個GIT去角質棉棒,都係喺好多間藥妝店都見到嘅,去角質棉花棒,用佢搓落鼻仔或者下巴度,咁就可以將角質搓出來喇。
 
 
5.【KOSE 面膜 698円】
頂級凝膠面膜我有買黎試,保濕效果唔錯嘅,成分有輔酶Q10、
頂級凝膠提取物、阿甘油。
紅色係有保濕功效,令肌膚柔嫩而有光澤;
藍色係有膠原蛋白,令肌膚更有彈性。
一拎張臉膜出來係真係好多凝膠喺臉膜上面。
 
 
6.【Good Bye KIBAMI 潔白牙膏】
呢款牙膏相信唔少人有見過啦,佢係清除牙漬嘅好幫手。
經常登上藥妝排行榜,仲係Cosme排行榜第一位!
 
 
7.【RUJE BB Gel Cream 1500円】
呢隻BB gel cream係有防曬SPF50+同補水著稱嘅,含礦物質對
皮膚冇咁大傷害~我試咗上手,質地容易推開,水潤度不錯。
 
8.【Botanical Head Spa 280円一包】
頭髮護理係好重要㗎,呢款Cosme排行榜第一位嘅Head Spa,俾你有好似喺Salon般舒適嘅焗油享受,仲帶玫瑰香味。
 
 
睇完咁多藥妝新品,係咪好想即刻衝去日本掃貨呢?日本啲新嘢出得好快,下次再同大家介紹藥妝好用品同新品啦!BYE~