【2016嚴選藥妝】日本堅・好用藥妝詳細分享

【2016嚴選藥妝】日本堅・好用藥妝詳細分享

首先,介紹得一定要自己用過先,用過仲要好用嘅真係唔多,
所以今次就嚴選咗幾樣【堅・好用】藥妝產品,
再同大家做個詳細分享~ 而家香港好多地方都有賣日本藥妝,
但去日本買就一定平d,咁就可以大量入手啦!
而以下介紹嘅都係我自己去親日本都必買嘅產品,
整理左好耐,希望你地會鍾意啦!
 
好,廢話少講,即刻開始!
 
1. 【防曬噴霧】
【2016嚴選藥妝】日本堅・好用藥妝詳細分享【2016嚴選藥妝】日本堅・好用藥妝詳細分享
就黎夏天,女仔防曬一定唔少得,
呢兩款(KOSE & Biore)我都十分推介!
雖然女仔係會好天真(定得我)咁想用咗防曬可以完全唔會曬黑,
但其實係冇可能的(⋯⋯),防曬嘅用途只係防止你曬傷,
但有d產品係一曬就黑得好快,冇乜防護性。
 
呢兩款都係我呢兩年夏天跟身嘅防曬,
我覺得兩款都做到令曬黑時間拖慢,
so far 噴左再去玩,一日唔會黑好多,自己覺得幾有用㗎!
唔用防曬乳液係因為我覺得噴霧方便d,我比較懶~哈哈
 
2. 【面膜】
【2016嚴選藥妝】日本堅・好用藥妝詳細分享
【2016嚴選藥妝】日本堅・好用藥妝詳細分享
面膜平時主要我會揀美白功效嘅,因為成日買埋好多保濕面膜,
但一得閒敷都只會拎起美白嘅面膜~
其實我知道係要做好保濕先敷美白面膜,
但我真係好想美白(有冇人有同感)【2016嚴選藥妝】日本堅・好用藥妝詳細分享
 
以上兩款係呢幾年keep住用完又用,覺得真係平又好用嘅產品。
深層美白呢隻之前好耐冇用擺左喺角落,
之後有次冇晒面膜先拎番出黎,
一用完係即刻覺得白左,推薦唷~
當然,面膜係要keep住用先有效,
但為左靚要用多d時間都冇辦法啦~
 
3. 【休足時間】
【2016嚴選藥妝】日本堅・好用藥妝詳細分享
其實呢款已經好多人推介過,但都係想講下!
因為我之前係一去到日本就會即買一盒喺旅行期間用,
行完成日之後貼番張,第2日唔會腳痺腳痛。
 
而我自己除左用佢黎貼腳,仲會用黎貼手,可能拎咗成日野,
手都會好酸,貼完第2日會好舒服~
我覺得佢係屬於溫和性,張貼好軟,
唔會話痴到皮膚好緊好痛,呢個先係重點!
 
4. 【中村足美人足貼】
【2016嚴選藥妝】日本堅・好用藥妝詳細分享
足貼顧名思義就係貼腳底嘅,
佢可以通過皮膚將身體內嘅毒素排出體外,
減輕由毒素累積所造成嘅疼痛同各種不適。
咁通常我都會瞓覺前貼,起身就撕咗去再洗腳。
 
其實自己好鍾意呢個貼,入手左好多次,
因為用完第2朝洗埋腳會覺得好清爽乾淨~隻腳輕左嘅感覺(?)
不過係咪真係排咗d毒素你係唔知㗎嘛,但塊貼用完會好污糟,
果d可能就係你身體排出嘅[毒素]啦~
可以買黎試下用下都唔錯嘅!
 
5.【陰影粉】
【2016嚴選藥妝】日本堅・好用藥妝詳細分享
CANMAKE呢個牌子出名平,
喺日本買嘅價錢可能係香港嘅一半,
而自己就最常用佢嘅陰影粉,用左至少5年㗎!
 
呢隻陰影粉上色容易又keep得耐,最緊要係自然,
已經用到換左幾盒~ 如果去開日本真係可以買黎試下!
但CANMAKE嘅胭脂個人就覺得麻麻地,keep唔到耐。
 
6.【保濕爽膚水&乳液】

 
【2016嚴選藥妝】日本堅・好用藥妝詳細分享【2016嚴選藥妝】日本堅・好用藥妝詳細分享
因為自己係敏感肌,好驚買倒刺激皮膚嘅產品,
呢隻MUJI自己轉用左個幾月,幾乾爽又保濕。
 
呢款係取自日本岩手縣釜石天然水製成嘅肌膚保養系列,
低刺激性,提供乾燥敏感肌高度潤澤。仲要係無香料無色素㗎~
佢呢個系列可以揀:清爽/滋潤/保濕,
咁就可以揀番岩自己果款啦!
 
7. 【卸妝產品】
【2016嚴選藥妝】日本堅・好用藥妝詳細分享
卸妝自己一定會揀唔洗卸完再洗面嘅產品(因為懶⋯),
有試過shu uemura卸妝油,都幾好用不過價錢唔經濟。
 
【2016嚴選藥妝】日本堅・好用藥妝詳細分享
所以會推介Bifesta嘅產品,佢嘅卸妝油自己用過,
粉紅色呢枝保濕卸妝油會特別推介,卸完皮膚唔會乾好保濕~
 
而最右面果枝都會推介,佢係用黎卸眼妝嘅,
倒少少喺卸妝棉再覆蓋眼睛幾秒,就可以卸得好乾淨㗎啦【2016嚴選藥妝】日本堅・好用藥妝詳細分享
 
 
============
 
P.S.(xanga time) 因為產品對每個人功效發揮性唔一樣,
所以如果有用過以上邊d覺得冇用嘅話都可以留言講下,
等大家有個意見參考下嘛~
其實本來有諗過講埋我覺得唔好用嘅產品,
如果大家想睇就留言俾我啦!下次見~