【Like Japan放送室】新宿陪酒女郎教你夜總會小知識!

【Like Japan放送室】新宿陪酒女郎教你夜總會小知識!

一連四集嘅《Like Japan 放送室》同大家介紹咗日本嘅陪酒女郎文化,講過派遣陪酒同埋陪酒女郎嘅職場故事,今日就繼續由現任陪酒女郎Moka同Shinobu同我哋講下陪酒女郎先知嘅小知識啦!
 
【Like Japan放送室】新宿陪酒女郎教你夜總會小知識!
▲陪酒女郎同客人坐枱嘅時候,要落order或者叫店員嘅時候其實就唔方便大大聲叫出嚟嘅,所以佢哋通常都會有一系列嘅手語同店員溝通。利用呢啲手語,佢哋可以叫到店員幫佢哋拎杯、冰、酒、杯墊、乾毛巾、濕毛巾、煙灰缸等等,而呢啲手語雖然可能每間舖頭會有少少唔同,但都係大同小異嘅。
 
【Like Japan放送室】新宿陪酒女郎教你夜總會小知識!
【Like Japan放送室】新宿陪酒女郎教你夜總會小知識!
▲另外,上集都提過,陪酒女郎係賣酒唔賣身。我就同佢哋做咗個小測試睇下佢哋到底邊到摸得邊度唔摸得。原來Moka同我講,每個陪酒女郎心入面嘅準則都唔同,佢就覺得普遍係可以摸膝頭哥以下嘅部份,但如果摸到上大脾嘅內側、或者屁股甚至胸部就不能接受。佢哋話好多外國客人都唔知佢哋其實唔摸得,不過必要時佢哋就會出絕招,就係捉住客人對手!Shinobu話佢嘅絕招就係同客人越坐越開,或者邊捉住客人對手邊微笑但沉默地望著客人。
 
【Like Japan放送室】新宿陪酒女郎教你夜總會小知識!
▲佢哋話另外外國客人經常誤會嘅就係,其實佢哋係唔飲得枱面嘅酒㗎!唔知道規矩嘅客人成日都會問點解佢哋唔飲酒,原來想陪酒女郎飲酒,你係需要買第二支酒專門俾佢哋飲㗎!咁樣佢哋先會賺到錢分到佣呀嘛。
 
其實今時今日陪酒女郎已經成為日本好普及嘅文化,希望今次一系列嘅介紹有加深到大家對陪酒女郎同日本夜總會文化嘅認識啦!畢竟,呢個topic經常都會喺唔同嘅日劇甚至文學作品出現,所以知道多啲絕對係有幫助更加了解劇情嘅~當然,如果你想親身去玩嘅話…我期待各位嘅賽後報告喇!【Like Japan放送室】新宿陪酒女郎教你夜總會小知識!
 
Moka同Shinobu所屬店舖:
新宿 Tyrano
地址:東京都新宿区歌舞伎町2-25-5 亜光ビルB1F
Tel:03-6233-9322
前往方法:西武新宿線 徒歩3分鐘 / JR新宿駅 徒歩5分鐘