~SKY BUS TOKYO・巴士遊東京~

覺唔覺得日本嘅街景寧舍靚?即使係隨便一眼望過去都好有一種身處於日劇之中嘅感覺!但去過日本嘅朋友都知,日本地方大,如果單憑雙腳行住睇風景嘅話,恐怕只係睇到好少,唔夠喉!有人選擇租單車,咁就可以去得多D地方,但如果唔識踩單車,又或者怕攰咁點算呢?
仲有其他方法嫁!就係搭SKY BUS TOKYO遊覽啦!
 
SKY BUS TOKYO即係咩呀?即係雙層觀光巴士,香港都有果隻呢。唔好同我講咁香港都有啦,你喺香港坐觀光巴士見唔見到藍天白雲?見唔見到浪漫燈飾?春天時見唔見到櫻花?Sorry乜都無呀,因為你只能夠睇到高樓大廈同埋不停食塵。
 
咁SKY BUS TOKYO就主要有4條路線,分別係「皇居・銀座・丸の內」「表参道・渋谷」「東京タワーレインボーブリッジ」「お台場夜景」。咁我逐條路線講下啦!
 
首先係「皇居・銀座・丸の內」線。
呢條線嘅地方唔算最旺旅遊區,但都有幾多建築物睇。同埋相對地係比較多同政治有關嘅景點,好似咩議事堂果D咁。
 
 
路線:三菱樓前>皇居>國立近代美術館>英國大使館>國立劇場>最高裁判所>國會議事堂>霞が関>銀座。
 
車程:全程約50分鐘
 
收費:大人1600円,小童700円
 
之後係「表参道・渋谷」線。
呢到就真係旅遊區啦!我相信無論幾時去坐,只要望落條街到都一定超多人呀!
 
 
路線:三菱樓前>日比谷>國會議事堂>表參道>渋谷>青山・神宮外苑>迎賓館>霞赤坂見附>皇居前。
 
車程:全程約80分鐘
 
收費:大人2000円,小童1000円
 
然後係「東京タワー・レインボーブリッジ」線。
就咁聽落,我諗呢條線睇到嘅景色可能會係最靚。因為佢會經過東京鐵塔呀!係神聖嘅東京鐵塔!
 
 
路線:三菱樓前>皇居>東京鐵塔>彩虹橋>豐洲>築地>銀座>日比谷>丸の內。
 
車程:全程約60分鐘
 
收費:大人1800円,小童800円
 
最後就係「お台場夜景」線啦!
台場睇夜景又真係幾唔錯,而且呢條線特別嘅係,會喺台場站嘅Aqua City到比60分鐘乘客下車休息,可以順便去行個圈呀!
 
 
路線:三菱樓前>皇居>東京鐵塔>彩虹橋>台場>彩虹橋>築地>銀座>日比谷>丸の內。
 
車程:全程約120分鐘
 
收費:大人2100円,小童1000円
 
有興趣嘅話可以上佢官網睇下,因為一定要事先book定嫁!