龍角散係禁藥!? 論網路的威力

[論網路的威力]
 
 
PICO太郎領過健力士紀錄大全嘅證書時,曾經講過一句「網路真厲害!」,甚至有人認為特朗普根本係靠Twitter贏得美國總統嘅寶座。姑且唔理係咪事實,亦已經睇得出「資訊」透過網路要比任何病毒都要傳播得更快。
 
好似呢兩日,日本網上瘋傳咗一單關於香港人愛用嘅藥品:龍角散嘅傳聞,我哋
先睇睇到底發生咩事。
 
龍角散係禁藥!?
 
是咁的,因應世界反運動禁藥機構1月生效嘅新禁止使用物質名單,日本乒乓球協會藥檢委員會通知運動員不得服用有去甲烏藥鹼(HIGENAMINE,有興奮作用)嘅藥物,而藥材呉茱萸、附子、細辛、丁子、南天等都係有此成份,一律不可使用。
 
 
而田徑選手上原美幸就喺Twitter 出咗個咁嘅文(連龍角散都禁堅灰)
 
咁大粒花生各大網站梗係唔放過,加上而家速食文化盛行加上一股不求甚解嘅風氣網站邊會好似likejapan咁慢慢求證﹖梗係老虎蟹去咗先。於是謠言立刻快速傳開,特別經某最近出app嘅資訊總結網站,速度隨時快過流感。
 
1日食5次嘅我都係運動員無望......可惜...
 
龍角散含禁藥成份笑死我啦
 
 
而謠言係包括﹕
1.龍角散含禁藥成份南天
2.淺田糖含禁藥成份麻黃,不可作有南天成份藥之代用品
 
 
有網站向龍角散製造商求證即知搞錯
 
 
網站ねとらぼ及後就此事採訪龍角散製造商,製造商表示龍角散商品根本就沒有任何禁藥成份,於是ねとらぼ立刻就此事大肆抽水報導。其實事情真相係﹕
 
1.龍角散不含任何禁藥成份
2.真正含禁藥成份南天嘅係南天之喉糖
3.淺田糖含禁藥成份麻黃,一向都不可服用
 
官方出聲明澄清龍角散不含任何禁藥成份
 
真正含禁藥成份南天嘅係南天之喉糖
 
 
淺田糖含禁藥成份麻黃,一向都不可服用
 
 
單係以尋日短短一日內,已經有殺妻嘅「講談社の編集次長」被誤傳為負責『進擊的巨人』同「禁藥事件」兩單事件有錯誤資訊瘋傅。所以大家選擇資訊時,真係記住唔好照單全收!
 
###其實可能呢篇文,都係假嘅……XDDDD###