今日終於去咗 Calbee Plus 試食Okashi Calbee 薯片！勁興奮啊！
不過今日係傳媒開放日，所以真係好多人。
一入到去已經見到「廚房」，可以睇到佢地點樣炮製新鮮嘅薯片。
只要兩個step就可以嘆到薯片，第一步就係揀薯片嘅「形狀」，第二步就係揀「口味」
之後就可以嘆薯片喇～
俾個價目表大家睇下先
我就揀左朱古力薯片同芝士薯片！好吸引啊！講返少少食後感：
朱古力薯片強烈推介，估唔到朱古力醬同薯片原來咁match，食一啖薯片再加一啖雪糕，真係好幸福啊！
反而芝士薯片就爭啲，唔知係咪擺得耐所以淋淋地，同埋芝士醬酸咗啲，
所以如果第一次去又唔知揀咩口味，我會推介朱古力薯片加雪糕！得香港先有㗎！
除咗有嘢食，鋪頭入面仲有嘢買，例如零食、卡樂B紀念品等等。
薯仔公仔好得意啊～
我仲拎咗唔少紀念品添！
入面仲有啲平時少見嘅卡樂B薯條，我就試食咗紫薯、紅薯同白薯。
條條都超級脆！我自己就最鍾意紫薯！
另外仲有包「櫻花蝦鹽味蝦片」，鮮甜味，詳情可以睇video！
人頭湧湧都要自拍一張！
入到去記得望下天花板，有好多薯片同薯仔喺度！勁可愛！
裡面仲有好多得意嘅卡樂B紀念品，fans記得帶定多啲錢嚟！
店鋪資料：
Calbee Plus
2016年3月21日 – 28日 （免費派薯片）
地址：香港灣仔皇后大道東200號利東街地下G14-15號
營業時間:（21/3首日開業）6pm-10pm；（22/3及後）10am-10pm
About Post Author
