首都圏JR攻略 成田線・横須賀・総武快速線・鹿島線・総武本線・内房線及外房線直通

大家不論去過幾多次東京,都試過搭錯車。
明明上啱班車,但係去錯地方?
本車長基本毎個月,都會寫一編JR攻略,希望畀大家一啲坐火車嘅資料,希望大家睇完之後,唔會上錯車啦!
 
今編會講喺成田機場可以坐到嘅成田線及横須賀同総武快速線・仲有鹿島線・総武本線・内房線及外房線直通
 
「乜係機場見到個名有咁長咩?」有人咁問過車長。
其實喺無咁長,因為路線還路線,
成田機場JR站的話,喺屬於成田線分支(空港支線)
就直通乗入還直通乗入。
 
 
乜喺直通乗入? 畀個概念大家先,打個比喩
車長要由荃灣坐港鐵去柴灣,先要坐荃灣線喺金鐘轉車,再坐港島線先去到柴灣、喺金鐘站轉車用多左時間,車長仲要喺無咗個坐位,最大件事喺可能4-5班車都未上到。但係其實喺金鐘站西面,有個空間喺畀列車用黎喺港島綫和荃灣綫之間調度。為咗方便乘客,日本JR就利用埋個個空間,荃灣線列車喺金鐘站停完之後,列車連乘客就會駛入用黎調度嘅空間,再駛入港島線嘅路軌,咁様的話,港島綫和荃灣綫嘅乘客就唔洗再喺金鐘站落車,呢個就係直通乗入嘅基本概念。
 
咁成田エクスプレス(成田直達快車,又叫成田特急、エクスプレス係日本叫做急行)又係乜黎?
為左方便來往成田機場至東京,品川,横濱及渋谷,新宿嘅乘客。
JR東日本利用咗成田線及横須賀同総武快速線,仲有山手貨物線開辦咗去成田機場嘅直達快車服務,随左基本收費之外,仲因為車程比較快同坐位比較舒適而要收多一個費用,就係特急料金。因為呢個去成田機場嘅直達快車服務會用咗好多條路線,所以JR東日本就畀咗個名佢,就係成田エクスプレス。
 
 
大家係成田機場見到嘅JR,通常就係呢2款車。
 
咁先講左成田エクスプレス先、
除咗特別情況外,成田エクスプレス一定喺用E259系
基本上係成田機場站至東京站之間,每30分鐘開出一班列車,而大部份同一班車喺會有2個終點站。喺東京站停車後列車會前後各分開為2列列車,前面列車會向横濱方向,大部份列車停車站有品川,武蔵小杉及以横濱為終點。亦有班次會停横濱,戸塚及以大船為終點。
後面列車會喺經過品川之後,駛入山手貨物線,大部份列車停車站有渋谷,新宿及以池袋為終點。小量班次會以新宿、大宮及高尾或河口湖為終點。
基本上喺你買飛時,職員會幫你畫位,EG:係正常情況下去新宿的話,會畫咗7-12號車畀你,去横濱的話就會畫咗1-6號車畀你。所以一定要跟返畫咗指定嘅車號坐,否則可能會去錯地方。
 
到成田線・横須賀・総武快速線直通(普通/快速)。
除咗特別情況外,成田線(空港支線)普通/快速多数喺用E217系
由機場出發的話,快速班次基本上大部份喺會以横須賀線車站為終點(横須賀、久里浜及逗子、最尾2班會以東京站為終點)
但喺由東京/横濱出發去成田機場的話,就要小心喇!複雜到爆!!喺横濱出開車嘅横須賀・総武快速線直通(普通/快速)終點嘅有横須賀線東京及品川 ,成田線嘅成田空港 ,総武快速線嘅千葉及津田沼 ,内房線嘅君津駅 , 外房線上嘅総一ノ宮 ,鹿島線嘅鹿島神宮 ,総武本線嘅成東及佐倉!有11個終點站、但係毎小時先有一班係去成田機場!
有幾複雜?留意下圖
最要留意嘅喺E217系分基本編成(11卡)同付属編成(4卡)。有小量班次嘅頭11卡喺去成田機場,後面付属編成就會係成田站分開、去咗鹿島線鹿島神宮。
由於複雜到爆,所以車長都唔會教人由東京/横濱坐成田線・横須賀・総武快速線直通(普通/快速)去成田機場。錯咗NO Show就大件事!!
 
但喺車長由成田機場出發的話,會坐成田線・横須賀・総武快速線直通列車(普通/快速),由成田機場去到東京,成田エクスプレス會快近30分鐘,但喺要比多1700円(1700円喎!差不多136蚊港紙!)特急指定席費。頭等(Green Car)的話、要比多3240円特急頭等費。就算我坐成田線・横須賀・総武快速線直通列車頭等,都喺比多980円頭等費,仲可以坐喺雙層卡上面。反正車長落左機後,通常都喺唔急咁慢慢去酒店,早到酒店同遅到去Check-in都無乜分別。仲有個好處喺成田エクスプレス大部份係唔停東京至成田機場中間任何站。萬一酒店係喺総武快速線/京葉線個頭,就要喺東京站返轉頭。就算有JR Pass,車長都唔會喺成田至東京個段用,除非個日即轉其他特急/新幹線去遠地方。
 
大家下次可以試下坐成田線・横須賀・総武快速線直通列車(普通/快速)由成田出發㗎~~~
 
大家對火車、電車、飛機、巴士等問題~~就去伸手區問啦~~~本車長會盡快回你Post~~~~