食煙都食得Sexy過人!日本十大Johnny's男星!

相信有唔少巴打都有食煙既習慣,有時想chok d咁食煙,點知俾人話好MK!
俾人話似MK仔都已經夠慘,有時見攰攰地踎係地下食煙時俾人話似自由行丫仲慘呀!
點先可以令女人著迷而不失霸氣呢?
點先可以去到「食煙都食得Sexy過人」呢個境界呢?

巴打們!睇下由日本粉絲選出既十大Johnny's男星如何「食煙都食得Sexy過人」啦!
絲打們!你地都睇下有無你男人係入面啦!!!

第一位︰SMAP既木村拓哉

即使已經43歲,都絕對唔麻甩!
皆因木村保養得好,而且衣著打扮keep住咁潮!

第二位︰KAT-TUN既龜梨和也

想誘人一D!?不妨好似Kame咁修下眉,做個花美男!
提提巴打,第一次修眉係超痛架!俾人修眉時,打死都唔好嗌出黎!要力保霸氣!

第三位︰嵐既二宮和也

一向草食系形象既Nino著套西裝再Gel返個靚頭,即刻霸氣盡現!
中意著格仔衫既巴打,係時侯轉轉look喇!

第四位︰關8既錦戶亮

小亮一向都係壞男孩形象,但又唔會覺得佢MK,點解?
除左著返套西裝之外,都需要有個型格既火機!掉鬼左便利店買既幾蚊雞貨仔佢啦!

第五位︰嵐既大野智

向來天然呆既Leader,突然擺出一副沉思既樣,原來真係幾得下!
有時返工好苦惱,又想食支煙,一於咁啦!當男人認真時係好有魅力架!

第六位︰V6既岡田准一

怕羞仔既准一托住下巴凝望一方既樣,帶有幾分男人魅力。
見到令女,想吸引人注意,學下野啦!

第七位︰TOKIO既長瀨智也

我既男神呀!!!年齡絕對唔係一個障礙!!!只要你有迷死人既眼神!!!
當然,最好有埋把磁性既聲音就真係無得頂喇!

第八位︰嵐既相葉雅紀

有時做做下野,出去食支煙,望下個天。
睇下Aiba就知啦!專業人士打扮都可以好Chok架!

第九位︰關8既澀谷昴

留有一把長髮,有佬味得黎,但又唔麻甩!
想多d滄桑味?好似Subaru咁彈埋結他啦!

第十位︰V6既森田剛

我覺得呢個相當有嫌疑!因為呢張相影到森田個樣好好笑!
而且,真係要吐糟下先得!好似岩岩做完地盤咁!擺明係粉絲們私心選既!!!

唔知你地睇完之後,覺得邊個先係「食煙都食得Sexy過人」呢?
唔食煙既巴打們,咪鬼諗住扮架仔等自己型d而走去食煙呀!
食煙始終危害健康,所以,我絕對唔鼓勵人食煙!

利申︰我唔食煙既!因為潔癖關係,唔想成身臭崩崩。