【食乜好】超吸睛壽司,挑戰人類慾望極限!

有咩慘得過有得睇冇得食,今次為你介紹睇見都流口水,超誘惑手握壽司店「まんてん鮨」!Bookmark定啦,下次去東京記得去親身試吓~
 
 
睇見師傅呢個架勢就知道今餐一定唔係小兒科。望住佢一路整,等食嗰個應該得一種想法,就係食得未啊好想吞咗佢啊!
 
 
呢間餐廳晚餐時段以「omakase」為主,即係由師傅發板,好處係佢會用當造食材將最好味嘅壽司送到你面前。師傅仲會配合客人嘅進食速度,你食快啲咩,佢就會包快啲,你想慢慢歎的話佢又會包慢啲,務求令你食到最新鮮嘅壽司。
 
 
你睇吓呢粒手握海膽壽司幾誘人!同埋有冇發現呢粒壽司係冇用紫菜包住嘅呢。呢個亦係製佢呢款壽司嘅困難之處,如果海膽唔夠新鮮,一定唔可以好完整咁放喺醋飯上面,而師傅嘅力度亦要控制得好好先可以製作一粒完美嘅海膽壽司。
 
 
呢個係有紫菜嘅版本,你睇下海膽嘅量多到幾驚人!
 
 
不過好多食客都偏愛冇紫菜嘅海膽壽司,話咁先食得出真正嘅海膽鮮味喎。
 
 
晚餐嘅omakase course包括咗刺身同手握壽司,最後仲會送上暖笠笠嘅味噌湯作結,食完成餐飯真食飽到上天靈蓋!
 
 
晏奏嘅menu入面可以搵到呢款金姑壽司,市面好似比較少見。
 
佢地有為情侶特設嘅二人omakase course,咁豐富嘅一餐,盛惠15,000円,男士們,你地識做啦~
 
========================
まんてん鮨 丸の内
地址:東京都千代田区丸の内2-6-1 丸の内ブリックスクエアB1F
營業時間:11:00~15:00、17:00~23:00
電話:03-6269-9100