【食乜好】去北海道食布甸放題!

布甸都有放題,係咪好神奇呢,日本人真係好有諗頭,為咗可以畀布甸迷一次過試哂唔同款嘅布甸,特登整咗呢個平日限定嘅布甸放題,對於勁鍾意食布甸嘅布甸迷嚟講真係超幸福啊!
 
呢間可以食到布甸放題嘅cafe「Santa Cream」位於北海道江別市,由大麻站行過去大概1分鐘倒,都幾方便。
 
 
間舖頭相當易認,紅當當嘅外牆遠遠就見到!呢度其實係一間照相館,為咗客人等影相嗰陣唔會等得太悶,特登開設咗呢間cafe畀客人慢慢坐,邊食邊等,好貼心。
 
 
間舖頭叫Santa Cream,唔怪得裝修咁有聖誕氣氛。
 
 
呢個布甸放題係平日限定,即係星期六日同公眾假期去係唔會食到嘅,大家要留意設。唔好以為放題佢地就會畀cheap野你食,menu嘅布甸個個都過¥300,有啲淨係睇個樣都覺得高級!
 
 
個放題由下奏3點開始入場,6點就完,當中你會有1個鐘可以不停咁食,不過開始食之前係要同店員講你要邊種食法。Set A ¥1,200包一杯茶、咖啡或橙汁;Set B ¥1,400除咗野飲仲包多件蛋糕;Set C ¥1,620 就最豐富,可以食埋雪糕。
 
 
不過畀你任食就當然係有規矩㗎啦。一坐低,店員首先會同你介紹5個當日精選布甸,如果想加單,就要先食哂第一輪嗰5個先,所有布甸都唔可以食剩浪廢。
 
以下為你介紹其中兩個加單必點item。
 
人氣No.1布甸
呢個係全店人氣No.1嘅「ご馳走プリン」,好味到連日本人都會特登走嚟大量買走。
 
最特別布甸
「プリンセススフレ(Princess Soufflé)」唔單止造型成隻蛋咁夠哂特別,呢個布甸上面仲放咗疏乎厘,坊間好少見。
 
 
 
如果齋食布甸都唔滿足,試埋佢地嘅甜品,好似呢個有成35cm高嘅芭菲,以北海道百年記念塔作為藍本設計而成嘅,好有意思。
 
根據店舖嘅紀錄,當地日本女仔每個人平均食到9個左右,大家又有信心食到幾多個呢?
 
 
サンタクリーム
電話:011-386-8778
地址:北海道江別市文京台東町1-25
營業時間:11:00~19:00
休息日:星期二