風光背後!女優辛酸血淚史!

 
成日講「男優唔易做」,相對地,難道女優又真係咁「爽歪歪」咩?男優運動足十個鐘同時,女優又何尚唔係「被運動」足十個鐘…你估個個都真係性上癮病患者,唔運動唔舒服咩…(當然不排除有個別女優真係
 
其實女優界同娛樂圈一樣,是非多,黑暗多!當你地睇住螢光幕開心發射嘅時侯,有無諗過其實片入面嘅佢地其實係暗暗垂淚… 
 
 
而家就同你地一齊了解下女優行業嘅黑暗面…
 
入行經過
 
女優入行除左自薦或經招聘之外,最常見就係經星探發掘。不過佢地唔會直接同你講拍AV,而係向娛樂圈發展!出晒名嘅「吉澤明步」其實一開始都係被騙入行。
 
一直想加入娛樂圈嘅佢一開始係一間細嘅事務所入面做Model。
 
 
有一日星探上門搵佢拍電影,好天真好傻嘅佢就滿懷感恩嘅心連合約都無睇清楚就簽約 
 
 
到拍攝當日…現場除左幾塊破舊嘅佈景版同埋一個「光脫脫」嘅男優之外就咩都無…呢個時侯佢先知發現自己被騙…
 
 
當然近年AV事業日趨蓬勃,亦有好多真係有興趣或有「需要」嘅女仔加入!(例如之前介紹過嘅白石媽媽同周防雪子)不過年中亦有唔少好似佢咁對娛樂圈有憧憬嘅人受騙入行,結果就一直咁樣走落去…
 
職前訓練
 
女優都有培訓!?係㗎,你估佢地天生都係性愛機器咩!仲有精湛嘅演技呢?如果唔係點樣做一個「冧滋滋」嘅樣俾你地睇 (唔係個個對住最醜男女優都招架得住
 
 
AV女優《光月夜也》就憶述「係佢接受訓練期間,就試過一早俾男優老師叫醒,幫佢口交!佢以為係訓練嘅一部分所以就無作反抗。但最後佢發現老師露出出得意又猥瑣嘅神情,佢先知道自己係被性騷擾」(做乜個個都咁天真咁傻㗎) 
 
 
但係離開訓練營亦唔代表離開魔掌…櫻井莉亞(桜井りあ)就表示好多女優都會被當作玩具,特別係製作團體。上至男優、導演,下至攝影師、燈光師都會參與埋一份(當然係鏡頭後)
 
年少敢言嘅佢就開始抱怨同不滿,結果被封殺。4年嘅AV生涯入面只係出過八部片。
 
 
明知自己再無運行嘅櫻井就唯有轉投夜場工作…
 
其實仲有好多女仔面對呢啲假公濟私嘅情況都只可以敢怒不敢言!一嚟驚唔聽話無片開,二嚟又驚佢地現場報復…好似臨時轉SM或其他重口味等。
 
 
收入微薄
 
對比男優,女優收入可能較高,但都絕對唔係豐厚!經紀公司基本上會抽5-7成佣金,知名女優最高可以收六萬蚊,無咁出名嘅最低有機會只係淨收一千蚊。
 
加上近年越來越多新人入行,選擇越來越多,薪金就相對拉低。係供過於求嘅情況下,除非做到最Top,如果唔係可能仲慘過做藍領。
 
 
身體創傷
 
你睇一部個幾鐘嘅AV,其實佢地可能拍足九個鐘或以上 !(仲要你地係飛住睇
 
好似《沖田杏莉》咁,佢一個月大約拍五至六部AV,一部拍兩至三日,每日平均10至12個鐘。淨係拍片都已經用左十幾日。仲未計出席唔同嘅大小活動,拍寫真封面,影友會,簽名會等等等等…佢仲話曾經試過整整一星期都落唔到床,就連玩手機嘅力氣都無添!忙成咁,真係姨媽到都要叫佢等等先​ 
 
 
連《上原亞衣》都曾經因為長時間站立拍攝而腳軟企唔穩。
 
 
另外因為拍攝工作繁重,成日都廢寢忘餐 ,所以腸胃病對佢地來講絕對唔會陌生!再者佢地成日都挑戰唔同嘅高難度動作同猛烈嘅撞擊,所有外傷內傷婦女病都已經係司空見慣!
 
不過………最恐佈嘅都莫過於拍「強暴戲」!一個令重口味觀眾好興奮,但係令女優們痛不慾生嘅主題!
 
 
即使係假嘅AV,為求逼真!好多時唔會有事前通知,到現場直接上陣!即使事前知道做好心理建設,佢地生理上依然都係苦不堪言!可惜演出該系列嘅女優根本就唔夠,所以往往都要正常女優頂當!係無得「Say No」嘅情況下,唔好話Enjoy,連正常生理反應都俾唔到喇!事後仲要滿身傷痕咁返屋企,真係阿媽見到都心痛
 
 
心靈傷害
 
撇除頭先咁激烈嘅強暴戲,如果要你扮靈異AV或者搵個宇宙最醜男優同你對戲亦都係一個難題!不過就算有千萬個唔願意,都要頂硬上!曾經有女優就試過拍到情緒失控大叫大喊,但係都要等到導演嗌Cut先可以暈。(呢啲咪就係專業
 
 
引退生活
 
有AV製作公司老闆話過「AV呢一行,係一條不歸路。」
 
可能你見到好多女優好紅,但其實拍AV始終唔係一個風光嘅行業,好多人都係暪住親朋戚友去做!被發現之後好多時都會受到非議甚至開始被疏離。更唔好話搵個人陪佢過世。
 
 
日本曾經有網友係信箱發現一盒AV DVD,覺得封面人似層相識!上網搜查資料後發現原來係同自己結左婚13年嘅枕邊人。佢內心掙扎咗好耐,但為左小朋友發展,佢最終都係選擇離婚。「戴綠帽」已經好慘,仲要俾咁多唔同嘅人笠頂綠帽落嚟(仲未計對住螢幕發射嘅兄弟)試問有幾多男人會頂得住!
 
 
雖然叫你地唔好睇AV都無助呢班女優悲慘嘅命運 (你地都唔會咁聽話戒睇打丁啦)不過希望大家丁得嚟,以一個欣賞同愛惜嘅角度去愛佢地多啲!戒睇重口味,令佢地做返個正正常常,開開心心過住幸福快樂日子嘅女優  謹代各位女優向各路丁友致敬!