【雪糕控】五間有「Haagen Dazs放題」嘅餐廳!

有無人同我一樣超級鍾意食雪糕?特別喺夏天超熱嘅時候,放啖雪糕落口,嘩真係上左天堂咁款!你話我港女又好乜都好,我係最鍾意Haagen Dazs嫁啦!因為佢個士多啤梨味真係好食到無雪糕能取替!但講真,我又唔係有錢人,點會捨得用廿幾三十蚊去買一杯丁屎咁大嘅雪糕丫,都係出糧先獎勵下自己食咋!好似我咁鍾意食Haagen Dazs但又覺得單買好貴嘅話,以下嘅餐廳就幫到你啦!
 
1.スイーツパラダイス(全國)
「スイーツパラダイス(sweet paradise)」應該都有唔少人聽過,佢係一間有30種以上嘅美味甜品,和菓子,意粉,沙律之類嘅甜品放題店。只要你鍾意,無論係蛋糕,啫喱定季節限定嘅甜品都好,任你食到爆肚都唔嬲!
咁當然,唔係話佢本身個放題入面包左Haagen Dazs啦,因為佢始終係貴野,但你只要額外加200円,就已經可以享受到Haagen Dazs同埋Gelato意大利雪糕啦!抵到喊啦係咪先!Haagen Dazs有雲尼嗱,綠茶,藍莓3種口味,而Gelato意大利雪糕就有27種味道!點都要去食一次呀!
 
・名稱:スイーツパラダイス 
・放題費用:大人1530円/小學生以下860円/3歳以下免費(雪糕放題+200円) 
・限時:間間鋪唔同,所以可以上網check
 
2.ヴォーノ・イタリア(関東・中部・関西)
「ヴォーノ・イタリア」係一間意大利料理放題,佢有成50種類以上嘅意粉,Pizza任君選擇,真係每樣食一啖都可以食飽你!而佢最正嘅地方,係無時間限制嫁!!唔洗趕頭趕命驚食唔切。佢本身係名古屋果到開嘅,之後因為愈黎愈受歡迎,就開到去關東,中部同關西都有啦!
呢間都係放題價錢再額外加300円就可以食Haagen Dazs放題啦!而味道就有雲尼嗱,綠茶,士多啤梨3種。
 
・名稱:ヴォーノ・イタリア 
・放題費用:中學生以上1480円/小學生980円/3歳以上520円(雪糕放題+300円)
・限時:無限制
・官網: http://buono-web.com/
 
3.イルポネンティーノピアッツァ
「イルポネンティーノピアッツァ」係本身係高級意大利餐廳「銀座 イル ポネンティーノ」嘅2號店黎,即係唔行高級路線,轉行Casual親民路線嘅餐廳。Casual得黎又不失意大利菜嘅高尚,等人可以喺一個輕鬆嘅環境下享用料理,佢係因為呢個理念而大有人氣。除左正餐,甜品同Cafe都有唔少選擇。
但呢個就唔係成日都有Haagen Dazs放題,而係只限於平日嘅Lunch時段。喺lunch set嘅甜品到加350円就可以轉做Haagen Dazs放題,種類都係雲尼嗱,綠茶,士多啤梨呢3種(係咪呢3種最受歡迎?)。除左Haagen Dazs,仲有其他4種雪糕。大家不妨黎食個lunch,順便就歎下雪糕放題啦!(如果有你鍾意食嘅味)
 
・名稱:イルポネンティーノピアッツァ
・地址:横浜市都筑区中川中央1-1-5 Yotsubako 7F 
・前往方法:由横浜市営地下鉄センター北駅歩行1分 
・營業時間:11:00~15:00,17:00~22:00
・放題費用:Lunch Set+350円
 
4.しゃぶしゃぶ但馬屋(京都・和歌山・東京豊洲)
「しゃぶしゃぶ但馬屋」係shabushabu/牛肉火鍋放題餐廳黎。你可以揀要shabushabu或者牛肉火鍋(すき焼き)。野菜,飯定烏冬都係任食,夜晚嘅話仲有Haagen dazs放題添!
喺食肉食到大滿足之後仲有得任食雪糕大佬Haagen Dazs,呢種享受真係幻想下都覺得好幸福~
 
・名稱:しゃぶしゃぶ但馬屋
・放題費用: 3,500円~
・限時:90分Order肉類制 
 
5.アポロ ダイバーシティー東京店 (APOLLO)
呢間「アポロ ダイバーシティー東京店」都有50種類以上嘅食物供客人選擇,而佢個優勢係佢個位置,因為位於台場,超適合大家去玩完行完一日之後坐低歎餐飯,唔洗為左食野而專程走過去。
喺放題嘅費用上再加250円就可以食到Haagen Dazs放題,而呢間終於有多D選擇啦!有10種口味,平時你無乜機會可以一次過食到10隻味嘅Haagen Dazs掛?呢間就可以幫你實現呢個咁奢侈嘅願望啦!
 
・名稱:アポロ ダイバーシティー東京店 
・地址:東京都 江東区 青海1-1-10 ダイバーシティ東京 プラザ 6F 
・前往方法:由ゆりかもめ「台場駅」歩行7分
・限時:90分